شریفوں نے پہلے پیار سے مل کر ملک لوٹا اب حرام مال اپنا رنگ دکھا رہا ہے، شہباز گِل

تنزیلہ قریشی

27th Sep, 2021. 07:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شریفوں نے پہلے پیار سے مل کر ملک لوٹا اب حرام مال اپنا رنگ دکھا رہا ہے، شہباز گِل

ترجمان وزیراعظم اور معاون خصوصی برائے سیاسی ابلاغ ڈاکٹر شہباز گِل نے کہا ہے کہ شریفوں نے پہلے پیار سے مل کر ملک لوٹا اب حرام مال اپنا رنگ دکھا رہا ہے۔

تفصیلات کے مطابق ترجمان وزیراعظم اور معاون خصوصی برائے سیاسی ابلاغ ڈاکٹر شہباز گِل نے مریم نواز کے بیان پر ردعمل دیتے ہوئے کہا کہ نون، میم شین اٹل حقیقت ہے، خاندان کے اندر موجود شکست وریخت کو چھپانے کی ناکام کوشش کی جا رہی ہے، شریفوں نے پہلے پیار سے مل کر ملک لوٹا اب حرام مال اپنا رنگ دکھا رہا ہے۔

ڈاکٹر شہباز گِل نے کہا کہ حمزہ اور مریم نواز میں وراثت کی جنگ ہے، نااہل بھول رہے ہیں کہ قوم نااہل شریفوں کو اولاد سمیت ریجیکٹ کر چکی ہے، پاکستان کو میراث سمجھ کر اقتدار کی کرسی کیلئے لڑائی جاری ہے۔

ترجمان وزیراعظم اور معاون خصوصی برائے سیاسی ابلاغ ڈاکٹر شہباز گِل کا کہنا تھا کہ چھوٹے اور بڑے میاں کی سوچ نہیں لوٹنے کے انداز مختلف ہیں، فیملی کی طرح پارٹی میں بھی تقسیم در تقسیم ہے، کارکنان کی نظر لیڈرشپ کو ڈھونڈ رہی ہے اور لیڈر کرسی کی جنگ میں مگن ہیں۔