وزیراعظم کے معاون خصوصی برائے سیاسی روابط شہباز گل نے کہا ہے کہ ایف آئی اے نے جیسے ہی کیس کی تفتیش شروع کی، شہباز شریف کی کمر میں تکلیف ہو گئی۔

تفصیلات کے مطابق سماجی رابطے کی ویب سائٹ ٹوئٹر پر جاری کردہ اپنے بیان میں وزیراعظم کے معاون خصوصی برائے سیاسی روابط شہباز گل نے کہاکہ وہی پرانے بہانے ،وہی پرانے جھوٹ۔

FIA نے جیسے ہی کیس پر تفتیش شروع کی شہباز شریف صاحب کی کمر میں تکلیف ہو گئی۔ وہی پرانے بہانے وہی پرانے جھوٹ۔ بچارے چند دن پہلے ہی ایک نجی چینل کی طرف سے فرمائشی خبر کروا کر جھوٹ موٹ کے انٹرنیشنل صادق اور امین بنوانے کی کوشش کی اور تفتیش کی ایک ہی خبر پر نازک کمریا پھر سے خراب۔ 😢

— Dr. Shahbaz GiLL (@SHABAZGIL) September 30, 2021

شہبا ز گل نے اپنی ٹوئٹ میں کہاکہ بیچارے چند دن پہلے ہی ایک نجی چینل کی طرف سے فرمائشی خبرکروا کر جھوٹ موٹ کے انٹرنیشنل صادق اورامین بنوانے کی کوشش میں تھے اور تفتیش کی ایک ہی خبر پر نازک کمریا پھر سے خراب ہو گئی۔

 واضح رہےکہ آج مسلم لیگ ن کے صدر اور قومی اسمبلی میں اپوزیشن لیڈر شہباز شریف گھر کی سیڑھیوں سے پھسل گئے، جس کے باعث شہباز شریف ایک مرتبہ پھر کمر کی شدید تکلیف سے دوچار ہو گئے ہیں۔

ذرائع کے مطابق شہباز شریف کے طبی معالجین نے معائنہ کرنے کے بعد ایکسرے بھی لیے ہیں۔

شہباز شریف کو ڈاکٹروں نے دو ہفتے مکمل آرام کا مشورہ دے دیا ہے۔

ذرائع کے مطابق  مسلم لیگ ن کے صدر شہباز شریف نے تمام سیاسی سرگرمیاں بھی معطل کردیں ہیں۔