مشیر تجارت عبدالرزاق داؤد نے کہا ہے کہ ستمبر میں برآمدات میں 27.4 فیصد کا اضافہ ہوا۔
تفصیلات کے مطابق مشیر تجارت عبدالرزاق داؤد نے کہا ہے کہ 1 ارب 89 کروڑ ڈالر کی برآمدات ماہ اگست میں ہوئی تھیں ، ستمبر میں برآمدات 2 ارب 41 کروڑ ڈالر کی ہوگئیں۔
انہوں نے کہا کہ رواں مالی سال کی پہلی سہ ماہی میں گزشتہ مالی سال کی پہلی سہ ماہی کے مقابلے میں 28 فیصد برآمدات میں اضافہ ہوا ، گزشتہ مالی سال جولائی تا ستمبر 5 ارب 47 کروڑ ڈالر کی برآمدات تھیں ، رواں مالی سال 28 فیصد اضافے کے بعد برآمدات 6 ارب 99 کروڑ ڈالر تک پہنچ گئیں۔
مشیر تجارت عبدالرزاق داؤد نے کہا ہے کہ برآمدات میں اضافہ برآمد کنندگان کی سخت محنت کا نتیجہ ہے ، برآمد کنندگان اس کامیابی پر مبارکباد کے مستحق ہیں ، درآمدات کے اعدادوشمار متعلقہ محکموں سے مشاورت کے بعد شیئر کیے جائینگے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
