کمانڈر رائل سعودی نیول فورسز وائس ایڈمرل فہد بن عبداللہ الغفیلی نے نیول ہیڈ کوارٹرز اسلام آباد کا دورہ کیا۔
ترجمان پاک بحریہ کے مطابق اسلا م آباد نیول ہیڈ کوارٹرز آمد پر پاک بحریہ کے سربراہ ایڈمرل محمد امجد خان نیازی نے معزز مہمان کا استقبال کیا۔
ترجمان پاک بحریہ کے مطابق معزز مہمان کو روایتی انداز میں گارڈ آف آنر پیش کیا گیا۔ بعدازاں معززمہمان کا پرنسپل اسٹاف آفیسرز سے بھی تعارف کرایا گیا۔
ترجمان پاک بحریہ کے مطابق کمانڈر راٸل سعودی نیول فورسز نے سربراہ پاک بحریہ سے ملاقات کی۔ ملاقات کے دوران باہمی دلچسپی کے امور اور علاقاٸی میری ٹاٸم سیکیورٹی صورتحال پر تبادلہ خیال کیا گیا۔
Advertisement
ترجمان پاک بحریہ کے مطابق معزز مہمان کو پاک بحریہ کی ذمہ داریوں اور استعداد کار کے حوالے سے بریفنگ بھی دی گئی۔ معزز مہمان نے خطے میں بحری سیکیورٹی اور استحکام کے حوالے سے پاک بحریہ کی کاوشوں کو سراہا۔
ترجمان پاک بحریہ کے مطابق اس مو قع پر سربراہ پاک بحریہ نے کہاکہ پاکستان اور سعودی عرب کے مابین مضبوط مذہبی، ثقافتی اور دفاعی روابط قائم ہیں۔
واضح رہےکہ کمانڈر رائل سعودی نیول فورسز کے اس دورے سے دونوں برادر ممالک کے مابین تعلقات کو مزید فروغ ملے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
