وزیراعلیٰ بلوچستان کو مستعفی ہونے کے لیے آج شام تک مہلت

شبین رضا

06th Oct, 2021. 11:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ بلوچستان کو مستعفی ہونے کے لیے آج شام تک مہلت

بلوچستان کےسیاسی بحران میں شدت، ناراض اراکین کی جانب سے وزیراعلیٰ بلوچستان کو استعفا دینے کے لئے دی گئی مہلت ختم ہونے میں 9 گھنٹے باقی رہ گئے ہیں۔

تفصیلات کے مطابق آج شام 5 بجے تک وزیراعلیٰ بلوچستان جام کمال کے استعفیٰ نہ دینے پر ناراض اراکین نے بڑے فیصلے کے ساتھ تحریک عدم اعتماد لانے کا اعلان بھی کر دیا ہے۔

ذرائع کے مطابق صوبائی وزیر خزانہ ظہور بلیدی نے کہا کہ وزیراعلیٰ بلوچستان جام کمال پر بی اے پی (باپ پارٹی) کے 11 اور چند اتحادی اراکین نے عدم اعتماد کا اظہار کیا ہے، جس کی وجہ صوبے میں بڑھتی ہوئی بے چینی ہے، ہم نے وزیراعلیٰ کو مستعفی ہونے کے لیے 2 ہفتوں کا وقت دیا تھا، لیکن انہوں نے استعفیٰ دینے کی بجائے سوشل میڈیا پر ہمارے درمیان اختلافات کا تاثر دینے کی کوشش کی۔

ذرائع کے مطابق اپوزیشن کے بلوچستان اسمبلی میں 23 اراکین ہیں جن میں سے 21 تحریک عدم اعتماد کےلئے راضی ہیں۔

یاد رہےکہ تحریک عدم اعتماد کو کا میاب بنانے کے لئے 33 اراکین کی ضرورت ہے۔ حکومتی اتحادی ناراض اراکین اور اپوزیشن کے اراکان کی کل تعداد 36 بنتی ہے۔

دوسری جانب ‏ترجمان حکومت بلوچستان نے کہا ہے کہ جام کمال استعفیٰ نہیں دینگے، ناراض دوستوں کو منانے کا سلسلہ جاری رہے گا۔

ترجمان کا مزید کہنا تھا کہ جام کمال کو اتحادیوں کی اکثریت کی حمایت حاصل ہے۔