ترکی اور روس کا شمالی شام میں مشترکہ فوجی گشت کا آغاز
ترکی اور روس نے شمالی شام میں مشترکہ فوجی گشت کا آغاز کردیا ہے۔
غیر ملکی خبر رساں ادارے کے مطابق روس اور ترکی کے مشترکہ فوجی گشت کا آغازماسکو اور انقرہ کے مابین گذشتہ ماہ معاہدے کےبعدکیاگیاہے۔
یاد رہے کہ روسی اور ترک صدر کے درمیان22اکتوبر کو معاہدہ طے پایاتھا۔
معاہدے تحت کرد دہشت گردوں کو 150 گھنٹوں میں شمالی شام میں ترکی کی سرحد سے 30 کلومیٹر جنوب میں پیچھےدکھیلنےپر اتفاق ہواتھا۔
واضح رہے کہ ترکی 20 لاکھ شامی مہاجرین کو دوبارہ آباد کرنے کے لئے 30 کلومیٹر کےعلاقے کو خالی کرانا چاہتا ہے۔
انقرہ حکومت شامی کردوں کو ترک کردوں کا اتحادی اور دہشت گرد قرار دیتی ہے۔
ترک صدر ایردوآن نے ’آپریشن امن بہار‘ کا اعلان کرتے ہوئے دعویٰ کیا کہ شامی کردوں کی تنظیم ’سیریئن ڈیموکریٹک فورسز‘ یا ‘ایس ڈی ایف‘ کے خلاف کارروائی اس لیے ناگزیر ہے کیوں کہ وہ ترکی کے خلاف حملے کرنے والے کرد دہشت گردوں کے ساتھی ہیں۔
ترکی نے شمالی شام میں کردوں کے زیر اثر علاقوں میں شدید فضائی حملوں کے بعد زمینی فوجی آپریشن بھی کیاتھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News