آسٹریلیا نے سری لنکا کو ٹی 20 سیریز میں وائٹ واش کردیا

سیدہ نادرہ مشتاق

01st Nov, 2019. 07:52 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

آسٹریلیا نے سری لنکا کو ٹی 20 سیریز میں وائٹ واش کردیا

آسٹریلیا نے سری لنکا کو ٹی 20 سیریزمیں 0-3سے وائٹ واش کردیا ۔

تفصیلات کے مطابق کینگروز نے تیسرے اور آخری ٹی ٹوئنٹی میچ میں سری لنکا کو 7 وکٹوں سے شکست دے کر تین میچوں کی سیریز اپنے نام کر لی۔

آسٹریلیا نے ٹاس جیت کر سری لنکا کو پہلے بیٹنگ کی دعوت دی ۔سری لنکا نےمقررہ 20 اوورز میں 6 وکٹوں کے نقصان پر 142 رنز بنائے۔

سری لنکن وکٹ کیپر بلے باز کوشل پریرا 57 رنز بنا کر نمایاں رہے۔

آسٹریلیا کی جانب سے پیٹ کمنز ، مچل اسٹارک اور کین رچرڈسن نے 2 ،2 کھلاڑیوں کو پویلین کی راہ دکھائی۔

جواب میں کینگروز نے جارح مزاج اوپننگ بلے باز ڈیوڈ وارنر کی ناقابل شکست 57 رنز کی اننگز کی بدولت مطلوبہ ہدف 18 ویں اوور میں صرف 3 وکٹوں کے نقصان پر حاصل کر لیا۔

کپتان ایرون فنچ نے 37، اسٹیو اسمتھ نے 13، بین میکڈرموٹ نے 5 اور ایشٹن ٹرنر نے 22 رنز بنائے۔

سری لنکا کی جانب سے کوئی بھی بالر عمدہ کارکردگی نہیں دکھا سکا۔ کپتان لاستھ ملنگا، لاہیرو کمارا اور نووان پرادیپ نے ایک، ایک وکٹ ہی حاصل کر پائے۔

یاد رہے کہ آسٹریلیا کو اب پاکستان کے خلاف تین ٹی ٹوئنٹی میچز کی سیریز کھیلنی ہے جس کا آغاز 3 نومبر بروز اتوار سےہوگا۔