گورنرسندھ عمران اسماعیل نے کہا ہے کہ سندھ حکومت نومبرسے قبل گندم ریلیزنہیں کریگی۔

تفصیلات کے مطابق گورنرسندھ عمران اسماعیل نے کہا کہ آٹا مہنگا ہونےکی ذمہ دارسندھ حکومت ہے ، پنجاب میں آٹا55،سندھ میں74روپےفی کلو ہے ، سندھ حکومت گندم ریلیزنہیں کررہی۔

گورنرسندھ عمران اسماعیل نے کہا کہ گندم ریلیزنہ کرکے منافع خوروں کوفائدہ پہنچایا جا رہا ہے ، 16 اکتوبر سےقبل گندم ریلیزنہ کرنےکی وجہ بتائیں ، سندھ حکومت نومبرسےقبل گندم ریلیزنہیں کریگی ، وفاق گندم کی ریلیزکویقینی بنوائے۔

اس سے قبل گورنر سندھ عمران اسماعیل سے پاکستان میں تعینات خلیجی ریاست قطر کے سفیر شیخ سعود بن عبدالرحمان الثانی نے گورنر ہاؤس میں ملاقات کی تھی جس میں علاقائی و عالمی صورتحال سمیت دو طرفہ تعلقات کے تحت مختلف شعبوں میں تعاون کے فروغ سمیت باہمی دلچسپی کے دیگر امور پر تبادلہ خیال کیا گیا تھا۔

ملاقات میں تجارت،سرمایہ کاری اور دیگر شعبوں میں باہمی تعلقات میں پیشرفت پراطمینان کا اظہار کیا گیا ، دونوں ممالک کے مابین تجارت اور سرمایہ کاری کو فروغ دینے کے لیے مربوط اقدامات پر اتفاق کیا گیا۔

گورنر سندھ عمران اسماعیل نے کہا تھا کہ قطر کے سرمایہ کار پاکستان میں سرمایہ کاری کے مواقعوں سے بھر پورفائدہ حاصل کر سکتے ہیں۔

قطر کے سفیر شیخ سعود بن عبدالرحمان الثانی نے کہا تھا کہ قطر پاکستان کے ساتھ تعلقات و تعاون کو قدر کی نگاہ سے دیکھتا ہے ، موجودہ دور حکومت میں پاکستان میں سرمایہ کاری کے وسیع مواقع موجود ہیں جن سے بھر پور فائدہ اٹھایا جائے گا۔