پاکستان کرکٹ بورڈ (پی سی بی)نے لیفٹ آرم فاسٹ باؤلر جنید خان پر جرمانہ  عائد کردیا ۔

تفصیلات کے مطابق پی سی بی کی جانب سے ملک میں جاری ڈومیسٹک کرکٹ کے سب سے بڑے ایونٹ قائداعظم ٹرافی کے پانچویں سیزن میں خیبر پختونخوا کرکٹ ٹیم کے فاسٹ باؤلر جنید خان پر جرمانہ عائدکردیا گیا ہے۔

پی سی بی کا کہنا ہے کہ جنید خان پر میچ کے دوران نامناسب زبان کا استعمال کرنے پر میچ فیس کا 40 فیصد جرمانہ عائد کیا گیاہے۔

جنید خان کو پی سی بی ضابطہ اخلاق کی خلاف ورزی کرتے ہوئے لیول 1 کےجرم کا مرتکب پایا گیا ہے۔آن فیلڈ امپائرز شمیم انصاری اور غفار کاظمی نے جنید خان کو آرٹیکل 2.6 کی خلاف ورزی کرنے پر چارج کیا تھا۔

جنید خان کی جانب سے اعتراف جرم کرنے پر میچ ریفری محمد اسلم نے جرمانے کی سزا سنائی۔

یاد رہے کہ خیبر پختونخوا اور بلوچستان کے درمیان میچ بگٹی اسٹیڈیم کوئٹہ میں کھیلا گیاتھا۔

دوسری جانب سلو اوور ریٹ کے باعث سینٹرل پنجاب کرکٹ ٹیم پر بھی جرمانہ عائد کیا گیا ہے۔قوانین کے مطابق سینٹرل پنجاب کرکٹ ٹیم پر 40 ہزار روپے جرمانہ عائد کیا گیا ہے۔

سینٹرل پنجاب کرکٹ ٹیم نے قائداعظم ٹرافی کے پانچویں راؤنڈ میں سندھ کے خلاف میچ میں مقررہ وقت سے 4 اوورز کم کیے۔میچ ریفری ندیم ارشد نے سینٹرل پنجاب کرکٹ ٹیم پر جرمانہ عائد کیا۔

واضح رہے کہ گزشتہ روزسینٹرل پنجاب کے کپتان احمد شہزاد پر بھی میچ فیس کا 50 فیصد جرمانہ عائد یا گیا تھا ۔