وزیر اطلاعات سندھ سعید غنی نے کہا ہے کہ شہریوں سے اپیل ہے کہ کل باغ جناح جلسے میں شریک ہوں۔

تفصیلات کے مطابق سماجی رابطے کی ویب سائٹ ٹوئٹر پر اپنے جاری کردہ ویڈیو پیغام میں وزیر اطلاعات سندھ سعید غنی نے کہا کہ میری تمام شہریوں سے اپیل ہے کہ کل 17 اکتوبر بروز اتوار ساڑھے 4 بجے باغ جناح نزد مزار قائد کے مقام پر شہداء کارساز کو خراجِ عقیدت پیش کرنے کیلئے ہونے والے جلسے میں شریک ہو کر شہداء جمہوریت کو سلام پیش کریں۔

میری تمام شہریوں سے اپیل ہے کہ کل 17 اکتوبر بروز اتوار ساڑھے چار بجے باغ جناح نزد مزار قائد کے مقام پر شہداء کارساز کو خراج عقیدت پیش کرنے کیلئے ہونے والے جلسے میں شریک ہوکر شہداء جمہوریت کو سلام پیش کریں۔#PPPKhiJalsa pic.twitter.com/xFNUonHE94

— Senator Saeed Ghani (@SaeedGhani1) October 16, 2021

دوسری جانب پیپلز پارٹی کی مرکزی ترجمان شازیہ مری نے باغ جناح جلسے کے مقام پر پریس کانفرنس کرتے ہوئے کہا کہ 18 اکتوبر کو درناک واقعہ پیش آیا تھا، کل باغ جناح میں پاکستان پیپلز پارٹی کا بڑا جلسہ ہوگا، محترمہ بینظیر بھٹو نے پاکستان کو اقتصادی ترقی یافتہ ملک بنانے کی کوشش کی۔

  شازیہ مری کا کہنا تھا کہ موجودہ نااہل حکومت نے مہنگائی کا طوفان برپا کر کے عوام کی چیخیں نکال دی ہیں، آج ایک بار پھر 10 روپے فی لٹر پٹرول پرائسز بڑھا دی ہیں، اس اضافے کو پیپلز پارٹی مسترد کرتی ہے۔