صوبے بھر میں عشرہ شان رحمت اللعالمین ﷺ کی تقریبات عروج پر ہیں، وزیر اوقاف

تنزیلہ قریشی

17th Oct, 2021. 05:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صوبے بھر میں عشرہ شان رحمت اللعالمین ﷺ کی تقریبات عروج پر ہیں، وزیر اوقاف

صوبائی وزیر اوقاف سید سعید الحسن شاہ نے کہا ہے کہ صوبے بھر میں عشرہ شان رحمت اللعالمین ﷺ کی تقریبات عروج پر ہیں۔

تفصیلات کے مطابق صوبائی وزیر اوقاف سید سعید الحسن شاہ نے اپنے حلقہ کے لوگوں سے ملا قات میں کہا ہے کہ صوبے بھر میں عشرہ شان رحمت اللعالمین ﷺ کی تقریبات عروج پر ہیں، صوبے بھر کی ضلعی انتظامیہ اپنی اپنی سطح پر میلاد مصطفی ﷺ کا انعقاد باقاعدگی سے جاری رکھے ہوئے ہیں، تمام منعقدہ تقاریب میں شرکاء حضرت محمد صلی اللّٰہ علیہ وسلم پر درود و سلام کا نذرانہ عقیدت پیش کیا جا رہا ہے۔

صوبائی وزیر اوقاف سید سعید الحسن شاہ کا کہنا تھا کہ آپ ﷺ کا اسوہ حسنہ نمونہ زندگی اور راہ نجات ہے، حضور صلی اللّٰہ علیہ وسلم سے عشق ہمارے ایمان کا لازمی جزو ہے اور دنیا و آخرت میں کامیابی کی ضمانت ہے، عشرہ شان رحمت اللعالمین ﷺ میں نعتیہ مشاعرے اور محافل میلاد و سماع کا سلسلہ جاری رہے گا، عشرہ شان رحمت اللعالمین ﷺ منا کر دنیا کو حضور ﷺ کے اعلیٰ و ارفع مقام اور اسوہ حسنہ کے بارے میں آگاہ کر رہے ہیں۔

انہوں نے کہا کہ محفل سماع صوفیا اور اولیاء کرام کی قدیم روایت ہے، پاکستانی قوالوں نے اپنے فن سے دنیا بھر میں وطن عزیز کا نام روشن کیا ہے۔