ڈپٹی اسپیکر قاسم خان سوری کی زیر صدارت قومی اسمبلی کا اجلاس ہوا ہے۔

تفصیلات کے مطابق قومی اسمبلی کا اجلاس شروع ہوتے ہی مسلم لیگ ن کے رکن شیخ فیاض الدین نے کورم کی نشاندہی کر دی، شیخ فیاض الدین نے کہا کہ ہر دفعہ کی طرح آج بھی کورم پورا نہیں، کورم کی فاتحہ بھی پڑھ لیں، حکومت قومی اسمبلی کا کورم پورا کرنے میں پھر ناکام ہوگئی ہے۔

اجلاس میں کووڈ 19 فنڈ میں جمع کروائے گئے عطیات کی تفصیلات قومی اسمبلی میں پیش کی گئی، کووڈ 19 اکاؤنٹ میں 5 ارب سے زائد رقم جمع کروائی گئی ہے جبکہ 1 ارب 10 کروڑ روپے سے زائد کے انٹرنیشنل عطیات بھی جمع کروائے گئے ہیں۔

مشیر پارلیمانی امور بابر اعوان کی جانب سے امیگریشن ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی جبکہ مسلم عائلی قوانین ترمیمی بل 2021 کو مشترکہ اجلاس میں بھیجنے کی تحریک بھی قومی اسمبلی میں منظور ہوگئی ہے۔

پارلیمانی سیکریٹری ملیکہ بخاری کی جانب سے قومی کالج برائے فنون  انسٹیٹیوٹ بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی ہے۔

وفاقی وزیر شفقت محمود کی جانب سے نجکاری کمیشن ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی جبکہ کاروباری تعمیر نو کمپنیات ترمیمی بل 2021 کو مشترکہ اجلاس میں بھیجنے کی تحریک بھی قومی اسمبلی میں منظور ہوگئی ہے۔

وفاقی وزیر میاں محمد سومرو کی جانب سے پاکستان اکادمی ادبیات ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی ہے۔

مشیر پارلیمانی امور بابر اعوان کی جانب سے الیاتی ادارے محفوظ ٹرانزیکشنز ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی ہے۔

وزیر مملکت پارلیمانی امور علی محمد خان کی جانب سے قرضہ جات برائے زرعی، تجارتی و صنعتی اغراض ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی ہے۔

وزیر مملکت پارلیمانی امور علی محمد خان کی جانب سے میری ٹائم سیکیورٹی ایجنسی ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی جبکہ پورٹ قاسم اتھارٹی ترمیمی بل 2021 کو مشترکہ اجلاس میں بھیجنے کی تحریک بھی قومی اسمبلی میں منظور ہوگئی ہے۔

وزیر مملکت پارلیمانی امور علی محمد خان کی جانب سے پاکستان قومی جہاز رانی کارپوریشن ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی ہے، گوادر پورٹ اتھارٹی ترمیمی بل 2021 کو مشترکہ اجلاس میں بھیجنے کی تحریک قومی اسمبلی میں منظور ہوگئی ہے۔

وزیر مملکت پارلیمانی امور علی محمد خان نے آرڈیننس، قوانین محصول ترمیم سول آرڈیننس 2021، پاکستان تحقیقاتی کونسل برائے آبی وسائل ترمیمی آرڈیننس 2021  قومی اسمبلی میں پیش کیا ہے۔

وفاقی وزیر شبلی فراز نے آرڈیننس ایوان میں پیش کیا، قومی اسمبلی نے پاکستان شہری ہوا بازی آرڈیننس 2021 کی مدت میں 120 دن کی توسیع کی منظوری دے دی، قومی اسمبلی نے پاکستان ایئرپورٹس اتھارٹی آرڈیننس 2021 میں 120 دن کی بھی توسیع کی منظوری دے دی ہے۔