نیازی سرکار کا دورہ سعودی عرب سرکاری خزانے پر خالص نجی اور فیملی دورہ تھا، اسلم غوری

نیازی سرکار کا دورہ سعودی عرب سرکاری خزانے پر خالص، نجی اور فیملی دورہ تھا، اسلم غوری

تنزیلہ قریشی

26th Oct, 2021. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیازی سرکار کا دورہ سعودی عرب سرکاری خزانے پر خالص، نجی اور فیملی دورہ تھا، اسلم غوری

ترجمان جے یو آئی اسلم غوری نے کہا ہے کہ نیازی سرکار کا دورہ سعودی عرب سرکاری خزانے پر خالص نجی اور فیملی دورہ تھا۔

تفصیلات کے مطابق ترجمان جے یو آئی اسلم غوری نے وزیر اعظم عمران خان کے دورہ سعودی عرب پر رد عمل دیتے ہوئے کہا کہ قوم کو بحرانوں کے دلدل میں پھنسا کر نیازی سرکار سرکاری دورے کے نام پر عیش وعشرت میں مصروف رہے، قوم مہنگائی اور ناموس رسالت پر حکومتی پالیسیوں کے خلاف روڈوں پر احتجاج پر ہے لیکن نیازی سرکار کو کسی چیز کی پرواہ نہیں۔

ترجمان اسلم غوری کا کہنا تھا کہ نیازی سرکار کا دورہ سعودی عرب سرکاری خزانے پر خالص نجی اور فیملی دورہ تھا، درجنوں افراد کے بیرونی دورے پر آنے والا خرچہ قوم کو مزید مہنگائی کی صورت میں ادا کرنا ہوگا۔

ترجمان جے یو آئی اسلم غوری نے کہا کہ کرکٹ ٹیم کی فتح کی خوشی میں نہال قوم کی خوشی پٹرول کی قیمتوں میں اضافے سے ہونی والی ہے، امید ہے سعودی عرب سے ملنے والے تحفے اونے پونے داموں نہیں خریدے جائیں گے، حکومت کو عوامی غیض و غضب کو سامنا کرنا پڑے گا۔