شعیب ملک اور آصف علی بہت خوبصورتی سے میچ کو اختتام تک لے کر گئے، کیوی کپتان

انوشہ شیخ

27th Oct, 2021. 02:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شعیب ملک اور آصف علی بہت خوبصورتی سے میچ کو اختتام تک لے کر گئے، کیوی کپتان

کیوی کپتان کین ولیمسن کا کہنا ہے کہ شعیب ملک اورآصف علی بہت خوبصورتی سے میچ کو اختتام تک لے کر گئے ہیں۔

تفصیلات کے مطابق ٹی ٹوئنٹی ورلڈکپ کے پہلے میچ میں پاکستان کے ہاتھوں شکست پر کیوی کپتان کین ولیمسن کا بیان سامنے آگیا ہے، انہوں نے کہا کہ ایک وقت میں یہ میچ پاکستان کے ہاتھوں سے نکلتا ہوا محسوس ہورہا تھا، اس پچ پر شاٹ لگانا کافی مشکل تھا لیکن شعیب ملک اور آصف علی نے بڑے شاندار کھیل کا مظاہرہ کیا۔

کین ولیمسن کا کہنا تھا کہ ہمارا مقابلہ پاکستان جیسی اچھی ٹیم سے تھا اور میں انہیں مبارک باد پیش کرتا ہوں۔

ان کا مزید کہنا تھا کہ بدقسمتی سے میچ کا فیصلہ ہمارے حق میں نہیں ہوا، اگر ہم پاکستان کی اننگز کو دیکھیں تو انہوں نے آخری اوورز میں شاندار کھیل پیش کیا، پاکستانی بیٹرز نے ہمیں ٹھیک سے بولنگ کرانے کا وقت ہی نہیں دیا۔

انہوں نے کہا کہ ہم نے سوچا اس طرح کی مشکل بیٹنگ پچ پر 135 کے ہدف کا تعاقب مشکل ہوگا لیکن پاکستان جیسی ٹیم کیلئے یہ اسکور ناکافی تھا۔

کین ولیمسن کا کہنا تھا کہ اب وقت ہے کہ ہم اپنی غلطیوں سے سیکھیں اور آگے بڑھیں۔