وزیراعظم کے معاون خصوصی برائے اسٹیبلشمنٹ محمد شہزاد ارباب نے کہا ہے کہ تمام وزارتوں نے اپنے اہداف پر مبنی کارکردگی رپورٹس پیش کر دی ہیں۔
تفصیلات کے مطابق وزیراعظم کے معاون خصوصی برائے اسٹیبلشمنٹ محمد شہزاد ارباب کی زیر صدارت کئی روز سے جاری اجلاس ختم ہوگیا ہے۔
اجلاس میں مالی سال2021-22 کی پہلی سہ ماہی کے دوران وزارتوں کی کارکردگی کا جائزہ لیا گیا۔
شہزاد ارباب نے کہا ہے کہ تمام وزارتوں نے اپنے اہداف پر مبنی کارکردگی رپورٹس پیش کر دی ہیں ، وزارتوں کو ان کی کارکردگی سے متعلق فیڈ بیک بھی دیا گیا ہے ، اہداف کی تکمیل کے سلسلے میں وزارتوں کا ایک دوسرے پر انحصار اور اس سے متعلقہ رکاوٹوں کو حل کرنے پر خصوصی توجہ دی گئی ہے۔
وزیراعظم کے معاون خصوصی برائے اسٹیبلشمنٹ محمد شہزاد ارباب نے کہا ہے کہ کارکردگی کی بنیاد پر وزارتوں کی درجہ بندی مکمل کر لی گئی ہے ، اگلے ہفتے وزارتوں کی کارکردگی رپورٹس وزیراعظم کو پیش کی جائیں گی۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
