رکن سندھ اسمبلی و صدر کراچی ڈویژن خرم شیر زمان نے کہا ہے کہ پی ٹی آئی کل یکم نومبر سے بلدیاتی انتخابات کی مہم شروع کرے گی۔

پی ٹی آئی ورکرز کنونشن سے خطاب کرتے ہوئے رکن سندھ اسمبلی و صدر کراچی ڈویژن خرم شیر زمان کا کہنا تھا کہ بلدیاتی انتخابات کے لیے فارم جاری ہونا کل سے جاری ہوں گے، جنوری تک کراچی سے پی ٹی آئی کے بلدیاتی امیدواروں کی حتمی فہرست جاری کردیں گے۔

ان کا کہنا تھا کہ آئندہ بلدیاتی انتخابات میں کراچی کا میئر منتخب کروانا ہے، صوبے سے پیپلز پارٹی کو بھگانا ہے، صوبے سے عوام کے مسائل حل کرنے کے لیے پیپلز پارٹی کا خاتمہ کریں گے، پیپلز پارٹی اپنی نالائقی کے باعث پنجاب، کے پی آزاد کشمیر اور گلگت سے فارغ ہوچکی ہے، اب  سندھ سے پیپلز پارٹی کو فارغ کرنا ہے ورنہ یہ سندھ کو فارغ کردیں گے، پیپلز پارٹی میں شامل ورکرز ٹھیکے اور نوکریاں لیتے ہیں، انکے ورکرز جو موٹر سائیکل پر تھے آج لینڈ کروزر پر گھومتے ہیں، انکے وزراء اور عہدیداران پیدائشی ارب پتی بن جاتے ہیں۔

رکن سندھ اسمبلی و صدر کراچی ڈویژن خرم شیر زمان نے کہا کہ کنٹونمنٹ بورڈ انتخابات میں بھی کراچی سے پی ٹی آئی نے میدان مارا، جہان ہم ہارے وہاں سے سیکھنے کی ضرورت ہے کہ ہم کیوں ہارے۔