ارباب شہزاد نے فاٹا انضمام کے طریقہ کار کو غلط قرار دے دیا

تنزیلہ قریشی

04th Nov, 2021. 01:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ارباب شہزاد نے فاٹا انضمام کے طریقہ کار کو غلط قرار دے دیا

معاون خصوصی وزیر اعظم ارباب شہزاد نے کہا ہے کہ سابقہ فاٹا کے انضمام کا طریقہ کار درست نہیں تھا۔

سابقہ فاٹا کی ترقی سے متعلق قومی اسمبلی کی قائم خصوصی کمیٹی کے سیاسی ورکنگ گروپ کا اجلاس پیر نور الحق قادری کی صدارت میں ہوا جس میں ارباب شہزاد نے اظہار خیال کرتے ہوئے کہا کہ انضمام کا فیصلہ اور اعلان کرنے سے قبل قبائلی عوام کے متعدد مسائل کا حل ضروری تھا، اس وقت کی حکومت کا خیال تھا انضمام جلد از جلد ہو۔

ارباب شہزاد کا کہنا تھا کہ فاٹا انضمام کے لئے وقت درکار تھا، پنجاب، سندھ، بلوچستان سے فاٹا کو فنڈز دینے کی بات کریں گے، زمین کے تنازعات، معدنیات کے مسائل حل کرنے کی کوشش کریں گے، بلدیاتی انتخابات کے بعد ضم شدہ اضلاع کی علاقائی مسائل حل ہوں گے۔

معاون خصوصی وزیر اعظم ارباب شہزاد نے مزید کہا کہ تمام مسائل حل کرنے کی کوشش کریں گے، فاٹا کو بھولے نہیں ہیں فاٹا میرے دل کے بہت قریب ہے۔