ترجمان مسلم لیگ (ن) مریم اورنگزیب کا کہنا ہے کہ عمران صاحب آپ کا تکلیف پیکج عوام کو بہت مہنگا پڑ رہا ہے۔

مریم اورنگزیب نے پٹرول  کی قیمتوں میں اضافے پر ردِ عمل دیتے ہوئے کہا ہے کہ عمران صاحب اور عمران صاحب کا ہر اعلان صرف جھوٹ، فراڈ اور دھوکہ ہوتا ہے۔

ان کا کہنا تھا کہ عمران صاحب کیا آپ کو عوام سے جھوٹ بول کر شرم بھی نہیں آتی، عمران صاحب اللہ کا واسطہ ہے عوام پہ ترس کھائیں۔

مریم اورنگزیب نے کہا کہ ریلیف  پیکج کے بعد چینی 150 روپیہ کلو اور پٹرول 146روپیہ عوام کی تضحیک ہے ، عوام جانتی ہے کہ آپ کا ریلیف پیکج اپنے اے ٹی ایمز ، مافیا اور کارٹلز کے لیے ریکیف اور  عوام کیلئے صرف تکلیف ہے۔

انہوں نے کہا کہ آپ عوام کو کوئی ریلیف نہیں دے سکتے ، اللہ کا واسطہ ہے عوام کو اپنا استیفیٰ دے دیں۔

ان کا مزید کہنا تھا کہ پٹرول کی قیمت بھڑنے سے ایک بار پھر آٹا ، چینی ، گیس ، بجلی ،دوائی اور کھانے پینے کی اشیا کی قیمت میں اضافہ ہوگا۔

‎ مریم اورنگزیب  کا کہنا تھا کہ تکلیف پیکج کے تحت پٹرول چینی  کی قیمت بڑھانا عوام کی مشکلات میں اضافہ اور مافیا کی زندگیوں میں آسانیاں لانے اور جیبیں بھرنے کیلئے سنگِ میل ثابت ہورہا ہے۔

انہوں نے یہ بھی کہا کہ عمران صاحب مہنگائی سے پسی عوام کی چیخوں اور بددعاؤں کی آوازیں سُنیں اور استیفیٰ دیں۔

واضح رہے کہ وفاقی حکومت کی جانب سے  رات گئے پیٹرولیم مصنوعات کی قیمتوں میں بڑا اضافہ کیا گیا ہے۔

اس حوالے سے جاری کردہ نوٹی فکیشن کے مطابق پٹرول کی قیمت میں 8 روپے 3 پیسے فی لیٹر اضافہ کیا گیا ہے جس کے بعد اس کی نئی قیمت 145 روپے 82 پیسے فی لیٹر ہو گئی ہے۔