معلوم نہیں کہ کس ارسطو کی پالیسیوں پر حکومت فیصلے کرتی ہے، اسلم غوری

اریبہ تنویر

05th Nov, 2021. 11:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معلوم نہیں کہ کس ارسطو کی پالیسیوں پر حکومت فیصلے کرتی ہے، اسلم غوری

ترجمان جے یو آئی اسلم غوری نے کہا ہے کہ معلوم نہیں کہ کس ارسطو کی پالیسیوں پر حکومت فیصلے کرتی ہے۔

اسلم غوری نے بجلی کی قیمتوں میں اضافے کی مذمت کی اور میڈیا سے گفتگو کرتے ہوئے کہا کہ عمران نیازی کی تقریر کے آفٹر شاکس شروع ہو گئے ہیں، لگتا ہے حکومت کو بنیادی اشیائے ضرورت مہنگے کرنے کے علاوہ کوئی کام نہیں ہے۔

ان کا کہنا تھا کہ پٹرول، بجلی اور کھانے پینے کی بنیادی چیزوں کی قیمتیں آسمان سے باتیں کر رہی ہیں، مہنگائی ہونے پر حکومت سے مستعفی ہونے کا مطالبہ کرنے والے عمران نیازی کو اب شرم بھی نہیں آتی۔

اسلم غوری نے کہا کہ عمران خان عوامی مینڈیٹ سے تو حکومت میں آئے نہیں کہ عوامی مفادات کا خیال رکھیں، وہ تو دھاندلی کے ذریعے منتخب کیے گئے ہیں اس لیے عوام کے سامنے خود کو جوابدہ نہیں سمجھتے۔

ترجمان جے یو آئی اسلم غوری کا مزید کہنا تھا کہ عمران نیازی نے پتہ نہیں کس کو رلانے کا وعدہ کیا تھا، اسے رلا سکے یا نہیں لیکن انہوں نے قوم کو ضرور رلا دیا ہے۔