آصف زرداری کی پالیسیوں کو برقرار رکھا جاتا تو ملک کا یہ حال نہ ہوتا، شازیہ مری

تنزیلہ قریشی

06th Nov, 2021. 02:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آصف زرداری کی پالیسیوں کو برقرار رکھا جاتا تو ملک کا یہ حال نہ ہوتا، شازیہ مری

ترجمان پیپلز پارٹی پارلیمنٹیرینز شازیہ مری نے کہا کہ صدر آصف علی زرداری کی پالیسیوں کو برقرار رکھا جاتا تو ملک کا یہ حال نہ ہوتا۔

اپنے جاری کردہ ایک بیان میں شازیہ مری کا کہنا تھا کہ پاک ایران گیس پائپ لائن کا منصوبہ ختم کر کے ملک سے دشمنی کی گئی، آصف زرداری کی زیرِ قیادت حکومت میں تمام فیصلے پارلیمنٹ کرتی تھی، اس وقت ملک اور قوم کی قسمت کا فیصلہ غیر منتخب لوگ کر رہے ہیں۔

انہوں نے کہا کہ ملک کی معشیت کو تباہ کرنے میں نیب کا بنیادی کردار ہے، امید ہے عمران خان کی نالائقی پر امپائر کو تسلی ہو چکی ہوگی، جادو اور ٹونے سے ملک نہیں چلتے۔

ترجمان پیپلز پارٹی پارلیمنٹیرینز شازیہ مری کا مزید کہنا تھا کہ نالائق وزیر اعظم کا واحد علاج عدم اعتماد کی تحریک ہے، ملک میں بڑھتی ہوئی مہنگائی سے غریب فاقہ کشی کرنے پر مجبور ہیں۔