سال 2021 کا آخری جزوی چاند گرہن کب ہوگا؟

عروبہ خان

10th Nov, 2021. 11:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سال 2021 کا آخری جزوی چاند گرہن کب ہوگا؟

سال 2021 کے آغاز میں ماہرین نے انکشاف کیا تھا کہ رواں سال کئی حیرت انگیز فلکیاتی مظاہروں کے سامنے آنے کا امکان ہے جس میں سپر بلڈ مون، سورج گرہن، چاند گرہن، جزوی چاند گرہن شامل ہیں۔

جس کے بعد اس رواں سال الگ الگ مواقعوں پر حیرت انگیز فلکیاتی مظاہرے دیکھے گئے ہیں اور اب سال کا آخری جزوی چاند گرہن بھی رواں ماہ دیکھا جائے گا۔

اس حوالے سے ماہرین نے بتایا ہے کہ رواں سال کا آخری اور جزوی چاند گرہن ماہ نومبر کی 19 تاریخ کو دیکھا جائیگا۔

جزوی چاند گرہن 3 گھنٹے 28 منٹ تک جاری رہے گا جو کہ اس صدی کا طویل ترین جزوی چاند گرہن ہوگا۔

یہ جزوی چاند گرہن کو امریکہ، کینیڈا، برازیل، آسٹریلیا سمیت مشرقی ایشیائی ممالک میں دیکھا جاسکے گا تاہم پاکستان میں چاند گرہن کے نظر آنے کے امکانات موجود نہیں ہیں۔

جزوی چاند گرہن کیا ہے؟

اس گرہن کے دوران چاند پوری طرح نہیں چھپتا ہے اور صرف چاند کا کچھ حصہ ہی زمین کے سائے میں آتا ہے۔

گرہن کی نوعیت کتنے گہرے سرخ رنگ یا خاکی اور زنگ کے رنگ کی طرح ہو گی اس کا انحصار اس بات پر ہے کہ زمین کا عکس چاند کی تاریک سطح پر کسی طرح پڑتا ہے۔

ناسا کے مطابق مکمل چاند گرہن کبھی کبھار ہی ہوتا ہے لیکن جزوی گرہن سال میں دو مرتبہ ہوتا ہے۔