سال 2021 کے آغاز میں ماہرین نے انکشاف کیا تھا کہ رواں سال کئی حیرت انگیز فلکیاتی مظاہروں کے سامنے آنے کا امکان ہے جس میں سپر بلڈ مون، سورج گرہن، چاند گرہن، جزوی چاند گرہن شامل ہیں۔
جس کے بعد اس رواں سال الگ الگ مواقعوں پر حیرت انگیز فلکیاتی مظاہرے دیکھے گئے ہیں اور اب سال کا آخری جزوی چاند گرہن بھی رواں ماہ دیکھا جائے گا۔
اس حوالے سے ماہرین نے بتایا ہے کہ رواں سال کا آخری اور جزوی چاند گرہن ماہ نومبر کی 19 تاریخ کو دیکھا جائیگا۔
جزوی چاند گرہن 3 گھنٹے 28 منٹ تک جاری رہے گا جو کہ اس صدی کا طویل ترین جزوی چاند گرہن ہوگا۔
یہ جزوی چاند گرہن کو امریکہ، کینیڈا، برازیل، آسٹریلیا سمیت مشرقی ایشیائی ممالک میں دیکھا جاسکے گا تاہم پاکستان میں چاند گرہن کے نظر آنے کے امکانات موجود نہیں ہیں۔
جزوی چاند گرہن کیا ہے؟
اس گرہن کے دوران چاند پوری طرح نہیں چھپتا ہے اور صرف چاند کا کچھ حصہ ہی زمین کے سائے میں آتا ہے۔
گرہن کی نوعیت کتنے گہرے سرخ رنگ یا خاکی اور زنگ کے رنگ کی طرح ہو گی اس کا انحصار اس بات پر ہے کہ زمین کا عکس چاند کی تاریک سطح پر کسی طرح پڑتا ہے۔
ناسا کے مطابق مکمل چاند گرہن کبھی کبھار ہی ہوتا ہے لیکن جزوی گرہن سال میں دو مرتبہ ہوتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News