وزیراعظم عمران خان نے آسٹریلوی کرکٹ ٹیم کو میچ جیتنے پر مبارکباد دی ہے۔

عمران خان  نے سماجی رابطے کی ویب سائٹ ٹویٹر پر بابر اعظم اور ٹیم کے لیے اپنے ایک پیغام میں کہا کہ میں بخوبی جانتا ہوں کہ آپ سب اس وقت کیسا محسوس کر رہے ہیں۔

To Babar Azam & the team: I know exactly how all of you are feeling right now bec I have faced similar disappointments on the cricket field. But you shd all be proud of the quality of cricket you played & the humility you showed in your wins. Congratulations Team Australia.

— Imran Khan (@ImranKhanPTI) November 11, 2021

وزیراعظم عمران خان  نے  مزید کہا کہ مجھے کرکٹ کے میدان میں بھی ایسی ہی مایوسیوں کا سامنا کرنا پڑا ہے لیکن گرین شرٹس نے اپنی کرکٹ کے معیار اور جیت میں جس عاجزی کا مظاہرہ کیا اس پر فخر ہوگا۔

واضح رہے کہ آسٹریلیا نے پاکستان کو ٹی 20 ورلڈ کپ کے دوسرے سیمی فائنل میں پانچ وکٹوں سے شکست دے کر فائنل کے لیے کوالیفائی کیا۔

آسٹریلیا نے پاکستان کی جانب سے دیا جانے والا 177 رنز کا ہدف 19ویں اوور میں 5 وکٹوں کے نقصان پر حاصل کرلیا، میتھیو ویڈ کو 41 رنز کی جارحانہ اننگز کھیلنے پر میچ کا بہترین کھلاڑی قرار دیا گیا۔

اس سے قبل قومی ٹیم کے کپتان بابراعظم نے آسٹریلیا کے خلاف میتھیو ویڈ کا کیچ ڈراپ ہونے کو ٹرننگ پوائنٹ قرار دیا تھا۔

میچ کے اختتام پر بابراعظم کا کہنا تھا کہ آسٹریلیا جیسی ٹیم کو چانس دیں گے تو وہ میچ لے لیں گے کچھ غلطیاں ‏ضرور ہوئیں لیکن مجموعی طور پر ٹیم نے اچھا کھیلا۔

یاد رہے ٹی 20  ٹورنامنٹ کا فائنل میچ  آسٹریلیا اور نیوزی لینڈ کے درمیان اتوار کو کھیلا جائے گا۔