وزیر اعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا کہ گزشتہ 24 گھنٹوں میں 12714 نمونوں کی جانچ کی گئی ہے۔

تفصیلات کے مطابق سید مراد علی شاہ نے کہا کہ گزشتہ 24 گھنٹوں میں مزید 268 نئے کیسز رپورٹ ہوئے ہیں جبکہ گزشتہ 24 گھنٹوں میں مزید 4 مریض انتقال کرگئے ہیں جس کے بعد اموات کی مجموعی تعداد 7609 ہوچکی ہے۔

ان کا کہنا تھا کہ آج مزید 60 مریض صحتیاب ہوئے ہیں جس کے بعد صحتیاب افراد کی مجموعی تعداد 452519 ہوچکی ہے، اب تک 6597916 نمونوں کی جانچ کی جاچکی ہے، اب تک 472509  کیسز رپورٹ ہوچکے ہیں۔

انہوں نے کہا کہ اس وقت 12381 مریض زیرِ علاج ہیں، 12164 گھروں میں،22 آئسولیشن سینٹرز میں اور 195 مریض مختلف اسپتالوں میں زیرِ علاج ہیں،190 مریضوں کی حالت تشویشناک بتائی گئی ہے۔

سید مراد علی شاہ نے کہا کہ 10 مریض وینٹی لیٹرز پر ہیں، صوبے کے 268 نئے کیسز میں سے 58 کا تعلق کراچی سے ہے، ضلع شرقی 25، ضلع جنوبی 23، ضلع وسطی 5، ملیر 4، کورنگی میں سے 1 نئے کیسز رپورٹ ہوئے ہیں۔

ان کا کہنا تھا کہ سجاول 34، حیدرآباد 31، جامشورو 30، شہید بے نظیر آباد 20، سانگھڑ 16، میرپور خاص اور ٹھٹھہ 13۔ 13، ٹنڈو الہ یار 12،لاڑکانہ اور تھرپارکر 11۔ 11،عمر کوٹ 8، ٹنڈو محمد خان 7،خیرپور 2، بدین اور سکھر میں سے 1۔1 نئے کیسز سامنے آئے ہیں۔

وزیر اعلیٰ سندھ سید مراد علی شاہ نے مزید کہا کہ گزشتہ 24 گھنٹوں میں 79476 افراد کو ویکسین لگائی جاچکی ہیں، اب تک 23237571 افراد کی ویکسینیشن کی جاچکی ہے۔