سوشل میڈیا پر نازیبا ویڈیوزوائرل ہونے کے بعد اداکارہ رابی پیرزادہ نے ایک نئی زندگی کا آغاز کر دیا ہے ،جس کی تصویری جھلکیاں بھی انھوں نےمداحوں سے شئیر کی ۔

تفصیلات کے مطا بق گزشتہ ہفتے  اداکارہ رابی پیرزادہ نے اپنی نازیبا ویڈیوز سامنے آنے کے بعد شوبز چھوڑنے کا اعلان کر دیا تھا جبکہ وہ مسلسل سوشل میڈیا پر شدید تنقید کی زد میں تھیں۔

ذرائع کے مطا بق رابی نے شوبز سے بھی کنارہ کشی اختیار کرنے کے بعد شرمندگی کا احساس کرتے ہوئے اپنے سارے سوشل میڈیا اکاؤنٹس پرشئیر کیا تھا کہ جو بندہ دنیا میں کسی بندے کی پردہ پوشی کرے گا اللہ عزوجل قیامت کے دن اس کی پردہ پوشی فرمائے گا۔

اب رابی پیرزادہ نے سماجی تعلقات کی ویب سائٹ ٹو ئٹر پر ایک پیغام دیا ہے کہ وہ ایک نئی زندگی کا آغازکررہی ہیں۔

Advertisement

A new beginning #saveasoul pic.twitter.com/R6e0jjbTij

— Rabi Pirzada (@Rabipirzada) November 10, 2019

صرف یہی نہیں بلکہ انھوں نے اس کے ساتھ ساتھ اپنی ٹوئٹ میں خانہ کعبہ کی پینٹنگ کی کچھ تصا ویر بھی شیئرکیں، جنھیں دیکھ کر لگ رہا ہے کہ یہ پینٹنگزرابی پیرزادہ نے خود بنائی ہیں۔

وا ضح رہے کہ سوشل میڈیا پرگلوکارہ کی نازیبا اور غیر اخلاقی ویڈیوز وائرل ہوئی تھیں جس کے بعد وہ ٹوئٹر پر ٹاپ ٹرینڈ بھی بن گئی تھیں۔

رابی پیرزادہ نے اپنی ایک ٹوئٹ کے آخرمیں قرانی آیت بھی لکھی کہ عزت اور ذلت دینے والا صرف اللہ ہی ہے جبکہ انھوں نے اپنی فیملی کے ہمراہ چند روز میں عمرے کی ادائیگی کے لیے روانہ ہونے کی اطلا ع بھی دی تھی۔