ملک میں ٹیکسٹائل ملز بحران کا شکار

تنزیلہ قریشی

20th Nov, 2021. 07:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں ٹیکسٹائل ملز بحران کا شکار

ملک بھر میں ٹیکسٹائل پروسیسنگ ملز بحران کا شکار ہیں۔

تفصیلات کے مطابق مہنگا خام مال اور بجلی کی قیمتوں میں مسلسل اضافے کی وجہ سے ملک میں ٹیکسٹائل پروسیسنگ ملز بحران کا شکار ہوگئی ہیں۔

ٹیکسٹائل پراسیسنگ ملز مالکان نے ہفتے میں 3 دن فیکٹریاں بند کرنے کا اعلان کر دیا ہے۔

سینٹرل چیئرمین اپٹپما احتشام جاوید کا کہنا تھا کہ ٹیکسٹائل پراسیسنگ کے ڈائز اور کیکمیکلز کی قیمتوں میں اضافے کے ساتھ ساتھ ڈالر کی قیمتوں میں اضافے کی وجہ سے ملز کو پوری کپیسٹی پر چلانا مشکل ہو گیا ہے۔

انہوں نے کہا کہ ملز مالکان نے پراسیسنگ کے ریٹس میں بھی 25 فیصد اضافہ کر دیا ہے جبکہ پیداوار میں کمی کر کے طلب اور رسد میں توازن بنانے کی کوشش کی جا رہی ہے۔

اپٹپما عہدیداروں نے اظہارِ خیال کرتے ہوئے کہا کہ حالات یہی رہے تو تمام ٹیکسٹائل پروسیسنگ ملز کو یکم دسمبر سے بند کر دیں گے جس سے بے روزگاری کا ایک نیا بحران پیدا ہونے کا خدشہ ہے۔