پاکستان میں اسٹیویا نامی پودے کی کاشت کی گئی ہے جو ذیابیطس کے مریض بلا خوف چینی کی جگہ استعمال کرسکتے ہیں۔
جامعہ کراچی کے فوڈ سائنسز کے پروفیسر ڈاکٹر غفران سعید کا کہنا ہے کہ اسٹیویا نام کا ایک پودا انسانی صحت کے لیے نہایت مفید ہے جس کا پاؤڈر چینی کی جگہ استعمال ہوسکتا ہے ، یہ پاؤڈر عام چینی سے 3 گنا میٹھا ہوتا ہے لہٰذا کمرشلی طور پر اسے مختلف اشیا کے ساتھ ملا کر فروخت کیا جاتا ہے۔
انہوں نے کہا کہ مغربی ممالک میں اس کی فروخت عروج پر ہے، اس پودے کی کاشت معتدل موسم میں ہوتی ہے اور یہ ہمارے ملک میں ابھی بھی کئی مقامات پر اگایا جارہا ہے۔
ڈاکٹر غفران کا کہنا ہے کہ اگر منظم طریقے سے اس کی کاشت میں اضافہ کیا جائے اور اس کی پراسیسنگ کی انڈسٹری لگائی جائے تو یہ ملکی معیشت کے لیے نہایت فائدہ مند ہوسکتی ہے۔
واضح رہے کہ یہ ایک قدرتی چیز ہے لہٰذا یہ جسم کے لیے فائدہ مند بھی ہے اور چینی کی طرح نقصان بھی نہیں پہنچاتی ، اسٹیویا کے پتے خون میں شوگر کی مقدار کم کرتے ہیں جبکہ بلڈ پریشر کو بھی کنٹرول میں رکھتے ہیں۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
