تنقید برائے تنقید تو بیشترصحافیوں کا خاصہ رہا ہے،تاہم کسی ایک شخص پر تنقید کے لیے بلا ضرورت دیگر معصوم لوگوں کو تنقید کا نشانہ بنایا جانا کم ہی مشاہدے میں آتا ہے۔

ایسا ہی کچھ معروف صحافی سلیم صافی کے ساتھ بھی ہوا کہ جب وزیر اعظم عمران خان پر تنقید کرتے ہوئے کھیلوں سے وابستہ قومی ہیروز کو تنقید کا نشانہ بناناانہیں مشکل میں ڈال گیا۔

ملک میں جاری مہنگائی کی لہر پر  عوام تو غم و غصے کا شکار ہے ہی ، ساتھ ساتھ صحافی برادری میں انتہائی تشویش پائی جاتی ہے۔اسی صورتحال میں جب روزمرہ استعمال ہونے والے ٹماٹر کی قیمت 250 روپے فی کلو تک جا پہنچی تو صحافی سلیم صافی خود پر قابو نہ رکھ سکے اور وزیر اعظم پر تنقید کے نشتر چلاتے ہوئے کچھ قومی کھلاڑیوں کو بھی زیر بحث لے آئے۔

معروف صحافی سلیم صافی نے ٹماٹروں کی قیمت سے متعلق سماجی رابطےکی ویب سائٹ پر کی جانے والی پوسٹ میں وزیر اعظم سمیت اسٹارکرکٹر شاہد آفریدی اور اسکواش کی دنیا میں پاکستان کا نام روشن کرنے والے جان شیر خان اور جہانگیر خان کو بھی تنقید کا نشانہ بنا ڈالا۔

Advertisement

اب بھی کلیجہ ٹھنڈا نہ ہوا ہو تو شاہد آفریدی کو وزیراعظم بنا لیں۔ پھر بھی کچھ کمی جائے تو جان شیر خان اور ان کے بعد جہانگیر خان کو بنا لیں۔ https://t.co/brp9rpLqq3

— Saleem Safi (@SaleemKhanSafi) November 11, 2019

انہوں نے کہا کہ اب بھی کلیجہ ٹھنڈا نہ ہوا ہو تو شاہد آفریدی کو وزیراعظم بنا لیں۔ پھر بھی کچھ کمی رہ جائے  تو جان شیر خان اور ان کے بعد جہانگیر خان کو  وزیر اعظم بنا لیں۔

اس کے جواب میں شاہدآفریدی ،جو کہ وزیر اعظم عمران خان کےحامی اور فین بھی ہیں ،نے سلیم صافی کو ہمت سے کام لینے کا مشورہ دے دیا۔

شاہد آفریدی نے کہا کہ ستر سال کا بوجھ ہے سلیم بھائی وزیر اعظم کو تھوڑا وقت دیں؟ دنیا بھر میں کھلاڑیوں نے پاکستان کو جو مقام دیا ہے کاش کہ ہمارے سیاست دان بھی دیتے۔

ستر سال کا بوج ہے سلیم بھائی تھوڑا وقت عمران خان کو بھی دے دیں؟ دنیا بھر میں کھلاڑیوں نے پاکستان کو جو مقام دیا ہے کاش کے ہمارے سیاست دان بھی دیتے! کرشمے کھلاڑی دکھاتے رہے ہیں اتنی جلدی ہمت نا ہاریں۔ پاکستان زندہ باد https://t.co/1BC3qXV9EB

— Shahid Afridi (@SAfridiOfficial) November 11, 2019

انہوں نے مزید کہا کہ  کھلاڑی کرشمے دکھاتے رہے ہیں ،آپ اتنی جلدی ہمت نا ہاریں ۔