یونیورسٹی آف نارووال کے اساتذہ کا مستقل نہ کرنے پر ہفتہ کے چوتھے روز بھی احتجاج جاری ہے۔
تفصیلات کے مطابق اساتذہ نے کلاسز کا بائیکاٹ کر دیا ہے، نارووال اساتذہ کے احتجاج کی وجہ سے تعلیمی سرگرمیاں معطل ہوگئی ہیں۔
استاتذہ کا کہنا ہے کہ باقی یونیورسٹیز کی طرح ہمیں بھی ریگولر کیا جائے، ہم پچھلے 6 سال سے یونیورسٹی میں پڑھا رہے ہیں، جب تک ہمیں ریگولر نہیں کیا جاتا ہمارا احتجاج جاری رہے گا۔
خیال رہے کہ یونیورسٹی آف نارووال میں تعلیمی سرگرمیاں چوتھے روز بھی معطل ہیں، کنٹریکٹ اساتذہ کا اپنے مطالبات کے حق کے لیے دھرنا جاری ہے۔
استاتذہ کا کہنا ہے کہ باقاعدہ سلیکشن بورڈ اور سنڈیکیٹ کی منظوری کے بعد لیکچرر تعینات ہوئے تھے، پنجاب کی تمام یونیورسٹیز کے اساتذہ کو ریگولر کر دیا گیا ہے، یونیورسٹی آف نارووال کے اساتذہ کے ساتھ امتیازی سلوک کیا جا رہا ہے۔
اساتذہ نے الزام لگایا ہے کہ چھ سال کام کرنے کے بعد اب وائس چانسلر نے انتقامی کارروائیوں کا نشانہ بنانا شروع کر دیا ہے۔
واضح رہے کہ استاتذہ نے حکومت پنجاب سے مطالبہ کیا ہے کہ وہ فوری طور پر یونیورسٹی آف نارووال میں اساتذہ کی کمی کو پورا کر کے تعلیمی نظام بحال کرے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News