شہباز شریف نے کہا ہے کہ معاشی ترقی کے لئے سیاسی استحکام لازم ہے۔
پاکستان مسلم لیگ (ن) کے صدر اور قائد حزب اختلاف شہباز شریف سے پلڈاٹ کے وفد کی احمد بلال محبوب کی قیادت میں ملاقات ہوئی ۔
ملاقات قائد حزب اختلاف کی لاہور میں رہائش گاہ پر ہوئی جس میں الیکڑانک ووٹنگ مشین، حکومت کی انتخابی اصلاحات اور آئینی، شفاف وغیرجانبدار انتخابی طریقہ کار کے حوالے سے امور پر بات چیت کی گئی۔
اس موقع پر پلڈاٹ کے وفد کے سربراہ احمد بلال محبوب نے شہباز شریف کو اپنے ادارے کی رپورٹ پیش کی۔
ملاقات میں شہباز شریف نے احمد بلال محبوب اور ان کے ادارے کے نوجوانوں کی سیاسی تربیت ںسے متعلق کاوشوں کو سراہا جبکہ شہباز شریف نے معاشرے میں شعور اجاگر کرنےمیں پلڈاٹ کے کردار کو بھی سراہا۔
پاکستان مسلم لیگ (ن) کے صدر نے کہا کہ سول سوسائٹی نے ملک میں آئین و قانون کی بالادستی کے لئے قابل فخر کردار ادا کیا۔
شہباز شریف کا کہنا تھا کہ نوجوان پاکستان کا مستقبل ہیں، انہیں سیاست سے متنفر کیاگیا جو جمہوریت کو کمزور کرنے کے مترادف ہے۔
پاکستان مسلم لیگ (ن) کے صدر اور قائد حزب اختلاف شہباز شریف کا مزید کہنا تھا کہ معاشی ترقی کے لئے سیاسی استحکام لازم ہے ،سیاست ایک آئینی عمل اور عوام کو ان کے حقوق کا شعور دیتی ہے، یوتھ پارلیمنٹ اس ضمن میں لائق تحسین کوشش ہے۔
ملاقات میں پارٹی سیکرٹری جنرل احسن اقبال اور ترجمان مریم اورنگزیب بھی شریک تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News