وزیر توانائی سندھ امتیاز شیخ کا کہنا ہے کہ گیس بحران پر حکمرانوں کی بے حسی ناقابل فہم ہے۔
انہوں نے اپنے بیان میں کہا ہے کہ حکمرانوں کی نااہلی کی سزا عوام کو مل رہی ہے، نجی پاور کمپنیوں کو گیس کی بندش سے بجلی کی لوڈشیڈنگ میں اضافہ ہوگا۔
امتیاز شیخ نے کہا کہ ملک اس وقت انتہائی مشکل دور سے گزر رہا ہے، ہر جانب بحرانوں کا راج ہے۔
وزیر توانائی سندھ کا کہنا ہے کہ گھریلوں صارفین کی زندگی اجیرن ہوگئی ہے، عوام کو تین وقت کھانا پکانے کے لیے بھی گیس میسر نہیں ہے۔
انہوں نے مزید کہا کہ سونے پے سہاگہ لکڑی اور ایل پی جی سلنڈر کی قیمتوں پر بھی اضافہ کردیا گیا ہے۔
واضح رہے کہ اس سے قبل لیگی خواتین نے گیس کی لوڈشیڈنگ اور مہنگائی کے خلاف احتجاجی مظاہرہ کیا۔
تفصیلات کے مطابق لیگی خواتین نے ٹینک چوک پر احتجاج کرتے ہوئے سڑک بھی بند کردی ہے۔
خواتین کا کہنا تھا کہ گیس کی طویل لوڈ شیڈنگ کے باعث مشکلات کا سامنا ہے، گیس آئے تو پریشر بہت کم ہوتا ہے جس سے بچوں کے لیے دودھ بھی گرم نہیں کر سکتے۔
مظاہرے میں شامل خواتین کا کہنا تھا کہ مہنگا ایل پی جی سلنڈر نہیں خرید سکتے جبکہ لکڑی کی قیمتیں بھی بڑھ گئی ہیں۔
خواتین نے مزید کہا کہ گیس کی بندش کے باعث انہیں کھانے پکانے میں مشکلات کا سامنا کرنا پڑتا ہے۔
خیال رہے کہ خواتین نے ہاتھوں میں چولہے اور توئے بھی اٹھائے ہوئے ہیں۔
اس کے علاوہ خواتین نے حکومت کے خلاف شدید نعرے بازی بھی کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News