ڈومیسٹک کرکٹ کھیلنے والے 200 کرکٹرز کو گزشتہ چار ماہ سے تنخواہوں کیا ادائیگی نہیں کی گئی۔

مہنگائی کے اس دور میں جہاں عام لوگوں کو گزر بسر بہت مشکل سے ہو رہا ہے، وہیں پاکستان کرکٹ بورڈ نے ڈومیسٹک کرکٹ کھیلنے والے تقریبا 200 کھلاڑی گزشتہ چار ماہ سے اپنی تنخواہوں سے محروم ہیں۔

تنخواہوں کی عدم ادائیگی کے باعث کھلاڑی سخت ذہنی پریشانی اور تشویش میں مبتلا ہیں۔

چئیرمین پاکستان کرکٹ بورڈ رمیز راجہ اس کوتاہی پر سخت ناراضگی اور برہمی کا اظہار کرتے ہوئے کرکٹرز کو فوری طور پر چار ماہ کی تنخواہ ادا کرنے کے احکامات جاری کر دیئے ہیں۔

پی سی بی کے ترجمان نے اعتراف کیا ہے کہ انتظامی کوتاہی کی وجہ سے ڈومیسٹک کرکٹ کھیلنے والے 200 کرکٹرز کو اگست تا نومبر کی تنخواہوں کی ادائیگی میں تاخیر ہوئی ہے۔

ترجمان نے کہا کہ چئیرمین پی سی بی رمیز راجہ کی ہدایات پر کھلاڑیوں کو اگلے ہفتے سے تنخواہوں کیا ادائیگی شروع کر دی جائے گی۔

ترجمان نے مزید کہا کہ پی سی بی نے اس تاخیر کے ذمہ داروں کو سخت وارننگ دی ہے اور انہیں کہا ہے کہ پاکستان کرکٹ بورڈ کا چئیرمین ایک کرکٹر ہونے کے باوجود فرسٹ کلاس کرکٹرز کو تنخواہیں ادا نہیں کی گئی، جس کی وجہ سے کرکٹرز کو مالی مشکلات کا سامنا کرنا پڑ رہا ہے۔

ترجمان کے مطابق ذمہ داران کو متنبہ کر دیا گیا ہے کہ اگلے سیزن میں اس قسم کی تاخیر برداشت نہیں کی جائے گی۔