سری لنکن شہری کیخلاف ورکرز کو کس نے اکٹھا کیا اور اکسایا؛ پتہ چل گیا

ویب ڈیسک

07th Dec, 2021. 11:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سری لنکن شہری کیخلاف ورکرز کو کس نے اکٹھا کیا اور اکسایا؛ پتہ چل گیا

ڈی پی او سیالکوٹ نے کہا ہے کہ سری لنکن شہری پریانتھا کمارا کے خلاف ورکرز کو کس نے اکٹھا کیا اور اکسایا اس کا پتہ چل گیا ہے۔

سیالکوٹ کے ڈسٹرکٹ پولیس آفیسر نے کہا ہے کہ فیکٹری کے اسٹچنگ یونٹ کے اسٹچر صبور بٹ نے ورکرز کو اشتعال دلایا، پریانتھا کمارا کے خلاف ہجوم کو اکٹھا کرنے میں صبور بٹ ملوث ہے، واقعے سے پہلے پریانتھا کمارا نے اسٹیچنگ ہال کادورہ کیا تھا، تصویرمیں صبور بٹ اور پریانتھا کو واضح دیکھا جاسکتا ہے۔

ڈی پی او کا مزید کہنا تھا کہ ملزم اس وقت جسمانی ریمانڈ پر ہے اس سے تفتیش جاری ہے جب کہ دیگرمرکزی ملزمان کے کردار کا بھی تعین کیا جارہا ہے۔

واضح رہے وزیرِ اعظم عمران خان کی زیر صدارت وفاقی کابینہ اجلاس میں سیالکوٹ واقعے کی سخت مذمت کی گئی اور اظہار کیا کہ یہ اسلام کے امن و سلامتی کے اصل تشخص کو مسخ کرنے کی کوشش ہے، ریاست اسلامی جمہوریہ پاکستان اقلیت سے تعلق رکھنے والے ہر باشندے کو حقوق اور تحفظ فراہم کرنے کاپابند ہے۔

اعلامیہ کے مطابق وہ تمام افراد جو اس گھناؤنے جرم میں گرفتار ہیں، ان کو قانون کے مطابق سخت سزا دی جائے گی۔ کابینہ نے ملک عدنان کی بہادری کو خراج تحسین پیش کیا اور سراہا جنہوں نے اپنی جان پر کھیل کر سری لنکن مینیجر کو بچانے کی کوشش کی تھی۔