جاپانی ارب پتی جس نے فیشن ڈیزائنگ اور دیگر مصنوعات سے بے تحاشہ دولت کمائی اب وہ بین الاقوامی خلائی اسٹیشن میں بارہ دن گزاریں گے۔
یاسوکا میزاوا کو بچپن سے ہی خلا کے سفر کا شوق تھا اوروہ جاپان میں فیشن انڈسٹری کے ایک بہت بڑے ماہر اور تاجرکے طور پر مانے جاتے ہیں۔ اس خلائی سفر کے دوران وہ اس مشن کی فلم بندی کریں گے، تاہم وہ روس کے سویوس خلائی جہاز کے بدولت بدھ کو بین الاقوامی خلائی اسٹیشن کی طرف روانہ ہوگئے۔
انہوں نے اس سفر سے ایک دن قبل ایک پریس کانفرنس میں ایک اس سفر کی تفصیلات سے آگاہ کرتے ہو ئے کہا کہ میں زمین کو خلا سے دیکھنے کا خواشمند ہوں اور اپنی بے وزنی کی کیفت میں جہاں کشش ثقل نہیں ہوتی اپنے وجود کا احساس کرنا چاہتا ہوں میں اس سفر کے اندر بہت سارے ذاتی مقاصد بھی رکھتا ہوں میں یہ جاننا چاہتا ہوں یہ سفر مجھے کس طرح تبدیل کرتا ہے، اور خلائی پرواز کے بعد میری زندگی پر کیا اثرات مرتب ہوتے ہیں۔
تفصیلات کے مطابق یاسوکا میزاوا اپنے پروڈیوسر یوزوہیرانواور روسی خلاباز الیگزینڈر مسور کین کے ساتھ روس کے سویوس ایم ایس 20 راکٹ کے ذریعے خلا کی جانب روانہ ہوئے،جہاں وہ بارہ دن گزاریں گے۔تاہم ابھی یہ معلوم نہیں ہوسکا کہ خلا کے اس سفرکے لئے انہوں نے کتنی رقم ادا کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News