پاکستان مسلم لیگ ن کے رہنماء خواجہ سعد رفیق نے کہا ہے کہ گرین لائن منصوبہ مسلم لیگ ن دور میں شروع ہوا۔

سماجی رابطے کی ویب سائٹ ٹویٹر پر اپنے ایک پیغام میں خواجہ سعد رفیق نےکہا کہ سیکرٹری جنرل مسلم لیگ ن  احسن اقبال،سابق گورنر سندھ،سابق وزیرخزانہ کیساتھ سندھ رینجرز کےاہلکاروں کی بدتمیزی اورلاٹھی چارج ریاستی جبر کی شرمناک مثال ہیں۔

سابق وزیر داخلہ/سیکرٹری جنرل pmlnاحسن اقبال،سابق گورنر سندھ،سابق وزیرخزانہ کیساتھ سندھ رینجرز کےاھلکاروں کی بدتمیزی اورلاٹھی چارج ریاستی جبر کی شرمناک مثال ھیں

گرین لائن منصوبہ pmln دورمیں شروع ھوا،اسکا علامتی افتتاح غیر قانونی کام نہیں

Advertisement

واقعہ کے ذمہ داران کوسزا ملنی چاھئیے

— Khawaja Saad Rafique (@KhSaad_Rafique) December 9, 2021

سعد رفیق کا مزید کہنا تھا کہ گرین لائن منصوبہ مسلم لیگ ن  دورمیں شروع ہوا، اس کا علامتی افتتاح غیر قانونی کام نہیں واقعہ کے ذمہ داران کوسزا ملنی چاہیے۔

دوسری جانب پریس کانفرنس کرتے ہوئے احسن اقبال کا کہنا تھا کہ (ن) لیگ نے ترقی کے فلسفے کو سمجھ کرکام کیے،گرین لائن منصوبہ ن لیگ نے کراچی کو دیا، عمران صاحب اب پتاچل گیا سڑکیں موٹروے سےملک کی ترقی ہوتی ہے۔.

ان کا کہنا تھا کہ آپ کو سمجھ آجائےگی ن لیگ پاکستان کی ترقی کیلئے سب کرکےگئی،موقع ملا تو کراچی کو پھر بہترین شہر بنائیں گے،کراچی کی خوشحالی سے سندھ بھی خوشحال ہوگا۔

علاوہ ازیں وزیراعظم عمران خان جمعہ کو کراچی کا ایک روزہ دورہ کریں گے جہاں وہ گرین لائن بسوں کا افتتاح کریں گے، وزیراعظم کراچی میں پارٹی قیادت سے بھی ملاقاتیں کریں گے جب کہ  اہم اجلاسوں کی صدارت بھی کریں گے۔

گرین لائن بسیں سرجانی ٹاؤن سے میونسپل پارک تک سفر ممکن بنائیں گی،  بسیں مکمل ایئر کنڈیشنڈ ہوں گی جس کاسفر 22 کلومیٹر طویل اور 23 بس اسٹیشنوں پر مشتمل ہوگا جس میں روزانہ 135,000 مسافر سفر کریں گے جب کہ اسکا زیادہ سے زیادہ کرایہ 55 روپے ہوگا۔

واضح رہے کراچی میں پبلک ٹرانسپورٹ کی بدحالی پر 2015 میں مرتب کی جانے والی ایک تحقیق کی بنیاد پر فروری 2016 میں سابق وزیر اعظم نواز شریف نے اس منصوبے کا سنگ بنیاد رکھا تھا جسے 2017 کے اختتام تک مکمل ہونا تھا۔

منصوبہ کی ابتدائی لاگت کا تخمینہ 16 ارب 85 کروڑ روپے لگایا گیا تھا تاہم سندھ حکومت کی تجویز پر اس منصوبے کے روٹ میں مزید 10 کلو میٹر کا اضافہ کیا گیا جس سے لاگت 24 ارب روپے تک بڑھ گئی۔