پی پی 206 میں ضمنی انتخابات الیکشن کمیشن کی پولنگ سکیم جاری کر دی گئی ہے۔

 ضمنی انتخابات میں 2 لاکھ 30 ہزار 698 ووٹر اپنا حق رائے دہی استعمال کریں گے۔

تٖفصیلات کے مطابق الیکشن کمیشن نے امیدواروں کو 14 اور 15 دسمبر کی درمیانی شب انتخابی مہم روکنے کی ہدایت کردی ہے۔

ترجمان الیکشن کمیشن کا کہنا تھا کہ پی پی 206 کے امیدوار 14 اور 15 دسمبر کی درمیانی شب کے بعد مہم نہیں چلا سکیں گے۔

اُن کا کہنا تھا کہ حلقہ میں کُل 183 پولنگ اسٹیشن ہیں اور پولنگ سے 48 گھنٹے پہلے جلسہ جلوس اور کارنر میٹنگز پر مکمل پابندی عائد کر دی گئی ہے۔

اُنہوں نے کہا کہ الیکشن کمیشن خلاف ورزی پر دو سال قید ایک لاکھ روپے تک جرمانہ عائد کیا جاسکتا ہے۔

انہوں نے مزید کہا کہ الیکشن کمیشن پی پی 206 خانیوال میں ضمنی انتخاب 16 دسمبر کو شیڈول ہے۔

یاد رہے اس الیکشن میں ن لیگ کے امیدوار رانا محمد سلیم، پیپلز پارٹی  کے میر واثق جرجیس اور پی ٹی آئی کی امیدوار نورین نشاط خان مد مُقابل ہیں۔

اس سے قبل ن لیگ نے  پنجاب میں حلقہ این اے 133 واضع اکثریت سے جیتا تھا جب کہ پی ٹی آئی کے امیدوار نااہل قرار ہوگئے تھے، جب کہ پیپلزپارٹی دوسرے نمبر پر رہی تھی اورر پی پی 206 میں 2018 الیکشن میں ن لیگ جیتی تھی۔ تاہم سیاسی ماہرین اس ضمنی انتخابات میں بھی ن لیگ کی جیت کا عندیہ دے رہے ہیں۔