بیلاروس میں حزب اختلاف کے رہنما سرگئی تیخانوسکی کو 18 سال قید کی سزا سنادی گئی۔
مقامی میڈیا کے مطابق بیلاروس کی ایک عدالت نے حزب اختلاف کے رہنما کو 18 سال قید کی سزا ایسے وقت میں سنائی ہے جب انہوں نے گزشتہ سال ملک کے طاقتور رہنما الیگزینڈر لوکاشینکو کے خلاف ایک بے مثال احتجاجی تحریک کو تیزی فراہم کی ہے۔
ریاستی اخبار کی رپورٹ کے مطابق جنوب مشرقی شہر گومیل کے ایک حراستی مرکز میں بند دروازوں کے پیچھے ایک ماہ تک چلنے والے مقدمے کے بعد عدالت نے 43 سالہ تیخانو سکی کو فسادات اور سماجی نفرت کو ہوا دینے کا مجرم قرار دیا گیا۔
خود ساختہ جلاوطنی اختیار کرنے والی تیخانوسکی کی اہلیہ نے اس فیصلے کی شدید مذمت کی ہے۔
اپنے شوہر کو سزا سنائے جانے کے بعد انہوں نے ٹوئیٹر پر لکھا کہ ’ڈکٹیٹر عوامی طور پر اپنے مضبوط ترین مخالفین سے بدلہ لیتا ہے‘۔
Advertisement
انہوں نے مزید کہا کہ سیاسی قیدیوں کو بند مقدمات میں چھپاتے ہوئے وہ خاموشی سے جبر جاری رکھتا ہے لیکن پوری دنیا یہ سب دیکھتی ہے۔
اس ہائی پروفائل کیس میں تیخانوسکی کے پانچ اہم ساتھیوں میں سے ایک 65 سالہ میکولا اسٹیٹکیوچ کو 14 سال قید کی سزا سنائی گئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
