پاکستان پیپلز پارٹی کے چیئرمین نے کہا کہ موجودہ حکومت ایلیکٹڈ نہیں سلیکٹڈ ہے اسکے وزیر اعظم ملک چلانے کی صلاحیت نہیں رکھتے ہیں اور ہم ایسی حکومت کے لئے کٹھ پتلی نہیں بن سکتے ہیں۔

پشاور میں میڈیا سے گفتگو کرتے ہوئے بلاول بھٹو زرداری کا کہنا تھا کہ مجھے اور میرے پورے خاندان کو جیل بھیج دو لیکن ہم انکا کہنا نہیں مانیں گے۔ بلاول نے اپنی بات کو مزید واضح کرتے ہوئے بتایا کہ ملک کے معاشی حالات بہت خراب ہیں  اور ہماری معیشت آگے بڑھنے کے بجائے پیچھے کی سمت جارہی ہے۔

بلاول کا کہنا تھا کہ پیپلز پارٹی نے 3 مرتبہ اپنی 5 ساالہ حکومت کی مدت پوری کی ہے جو کوئی اور نہیں کرسکا اور اب ہمارے راستے کو روکا جارہا ہے۔ بلاول نے وزیر اعظم کو تنقید کا نشانہ بناتے ہوئے کہا کہ اگر ْحکومت ہی اپوزیشن کا کردار ادا کرے گی تو ملک کون چلائے گا، حکومت کو چائیے کہ وہ اپنا کام کرے اپوزیشن نہیں۔

بلاول بھٹو زرداری کی اس پریس کانفرنس کا جواب دیتے ہوئے پی ٹی آئی کے رہنما مراد سعید نے کہا ہے کہ بلاول کو جمہوریت کا علم نہیں ہے انہوں نے اپنے والد صاحب سے تعریفیں کرنا سیکھی ہیں۔

مراد سعید نے مزید کہا کہ اب عوام باشعور سے اور اب جمہوریت کا نام اقتدار میں شامل کرنے کا ہے نا کہ عوام کو لوٹنے کا۔

مراد سعید نے کہا کہ کسی کو  این آر او نہیں ملے گا اور نہ ہی پانامہ کیس سے نجات ملے گی۔