کیا آپ بتا سکتے ہیں کہ اس تصویر میں وزیراعظم عمران خان کے ساتھ بیٹھا شخص کون ہے؟

اگر آپ کو تصویر میں موجود اس شخص کو پہچاننے میں مشکل ہو رہی ہے تو کوئی بات نہیں، ہم آپ کو بتا دیتے ہیں۔

سوشل میڈیا پر زیر گردش اس تصویر میں وزیراعظم عمران خان کے ساتھ بیٹھا یہ شخص کوئی اور نہیں، بلکہ پاکستان کے جانے مانے موسیقار، گلوکاراور سماجی کارکن سلمان احمد ہیں۔

سلمان احمد کی پہچان ان کا مقبول ترین بینڈ ’جنون‘ بھی ہے، جس کے گانے آج بھی نوجوان گاتے اور سنتے ہیں۔

سلمان احمد کو مو سیقی کے ساتھ ساتھ نوجوانی کے دور میں کرکٹ کا بھی جنون تھا اور اسی جنون نے انہیں کرکٹ کے میدان تک بھی پہنچایا۔

اپنے ایک انٹرویو میں سلمان احمد نے بتایا کہ موسیقی کی دنیا میں قدم رکھنے سے قبل وہ کرکٹ کھیلا کرتے تھے، جس پر انہیں پاکستان کرکٹ ٹیم میں بھی شامل کیا جاچکا ہے۔

اس حوالے سے موسیقار و سماجی کارکن سلمان احمد نے مزید بتایاکہ عمران خان نے انہیں بنگلہ دیش کے پہلے دورے کیلئے ٹیم میں بھی شامل کیا تھا۔

انہوں نے اپنی زندگی کی پرانی یادوں کو تازہ کرتے ہوئے ان لمحات کو ناقابل فراموش قرار دیا۔

واضح رہےکہ رواں سال ستمبر کے مہینے میں میوزک گروپ ’جنون‘ کے معروف گلوکار، موسیقار اور سماجی کارکن سلمان احمد نے وزیر اعظم پاکستان عمران خان کے 50 سالہ کیریئر پر مبنی دستاویزی فلم ’سپریچوئل ڈیموکریسی‘ کوبھی ریلیز کرنے کا اعلان کیا تھا ۔

سلمان احمد کا اس حوالے سے کہنا ہےکہ انہوں نے اس دستاویزی فلم کیلئے وزیر اعظم عمران خان کی 50 برس پرانی نایاب تصاویر اور ویڈیوز بھی حاصل کی ہیں۔