پسماندہ علاقوں کو ترقیاتی عمل میں ترجیح دی جائے گی، وزیراعلیٰ بلوچستان

تنزیلہ قریشی

28th Dec, 2021. 06:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پسماندہ علاقوں کو ترقیاتی عمل میں ترجیح دی جائے گی، وزیراعلیٰ بلوچستان

وزیر اعلیٰ بلوچستان میر عبد القدوس بزنجو نے کہا ہے کہ پسماندہ علاقوں کو ترقیاتی عمل میں ترجیح دی جائے گی۔

میر عبد القدوس بزنجو نے سابق وزیر اعلیٰ بلوچستان رکن صوبائی اسمبلی چیف آف ساروان نواب محمد اسلم خان رئیسانی سے ساروان ہاؤس میں ملاقات کی۔

ملاقات میں دونوں رہنماؤں کے درمیان سیاسی صورتحال سمیت باہمی دلچسپی کے مختلف امور پر تبادلہ خیال ہوا۔

نواب محمد اسلم خان رئیسانی نے ضلع مستونگ کے لئے پی ایس ڈی پی میں شامل منصوبوں کے لئے فنڈز کے اجراء اور ان پر عمل در آمد کے آغاز پر وزیر اعلیٰ کا شکریہ ادا کیا۔

ان کا کہنا تھا کہ ترقیاتی منصوبوں کی تکمیل سے علاقے کے لوگوں کو تعلیم صحت آبنوشی سمیت زندگی کی دیگر سہولتیں مل سکیں گی۔

وزیر اعلیٰ بلوچستان میر عبد القدوس بزنجو نے کہا کہ صوبے کے تمام اضلاع ان کے لئے یکساں اہمیت رکھتے ہیں، پسماندہ علاقوں کو ترقیاتی عمل میں ترجیح دی جائے گی۔