بورے والا: فلور مل میں آتشزدگی کا واقعہ

ویب ڈیسک

30th Dec, 2021. 10:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بورے والا: فلور مل میں آتشزدگی کا واقعہ

بورے والا میں گگو منڈی کے علاقے شیخ فاضل روڈ پر واقع فلور مل میں آگ لگ گئی ہے۔

ریسکیو ذرائع کے مطابق اطلاع ملتے ہی ریسکیو 1122 کی امدادی ٹیمیں روانہ کر دی گئی ہیں۔

ریسکیو ذرائع کا کہنا ہے کہ آگ فلور مل کی تمام عمارت میں پھیل گئی ہے اور 2 منزلہ عمارت میں لکڑی کا کام زیادہ ہونے کی وجہ سے آگ کی شدت میں مزید اضافہ ہوگیا ہے۔

ریسکیو کی 6 گاڑیاں اور 20 سے زائد ریسکیو اہلکار آگ بجھانے میں مصروف ہیں۔

ریسکیو ذرائع نے بتایا کہ فلور ملز میں نائٹ شفٹ میں کام جاری تھا لیکن کوئی جانی نقصان نہیں ہوا معجزانہ طور پر تمام ورکر محفوظ ہیں۔

ابتدائی معلومات کے مطابق آگ شارٹ سرکٹ کے باعث لگی ہے۔

واضح رہے کہ فلور ملز میں لگی آگ پر قابو پا لیا گیا ہے۔

ریسکیو آفیسر عبدالجبار کا کہنا ہے کہ آگ پر قابو پا کر فلور ملز کی عمارت کے نیچے والے پورشن کو بچا لیا گیا ہے۔

ریسکیو ذرائع کا کہنا ہے کہ کولنگ کا عمل جاری ہے اور نقصان کا ابھی تخمینہ نہیں لگایا جاسکتا۔