بورے والا میں گگو منڈی کے علاقے شیخ فاضل روڈ پر واقع فلور مل میں آگ لگ گئی ہے۔
ریسکیو ذرائع کے مطابق اطلاع ملتے ہی ریسکیو 1122 کی امدادی ٹیمیں روانہ کر دی گئی ہیں۔
ریسکیو ذرائع کا کہنا ہے کہ آگ فلور مل کی تمام عمارت میں پھیل گئی ہے اور 2 منزلہ عمارت میں لکڑی کا کام زیادہ ہونے کی وجہ سے آگ کی شدت میں مزید اضافہ ہوگیا ہے۔
ریسکیو کی 6 گاڑیاں اور 20 سے زائد ریسکیو اہلکار آگ بجھانے میں مصروف ہیں۔
ریسکیو ذرائع نے بتایا کہ فلور ملز میں نائٹ شفٹ میں کام جاری تھا لیکن کوئی جانی نقصان نہیں ہوا معجزانہ طور پر تمام ورکر محفوظ ہیں۔
ابتدائی معلومات کے مطابق آگ شارٹ سرکٹ کے باعث لگی ہے۔
واضح رہے کہ فلور ملز میں لگی آگ پر قابو پا لیا گیا ہے۔
ریسکیو آفیسر عبدالجبار کا کہنا ہے کہ آگ پر قابو پا کر فلور ملز کی عمارت کے نیچے والے پورشن کو بچا لیا گیا ہے۔
ریسکیو ذرائع کا کہنا ہے کہ کولنگ کا عمل جاری ہے اور نقصان کا ابھی تخمینہ نہیں لگایا جاسکتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News