آسٹریلیا میں مسلمانوں کے نفرت کابدترین واقعہ سامنےآیا ہے،نسل پرست آسٹریلوی شخص نےمسلمان حاملہ خاتون پربہیمانہ تشدد کیا۔

 غیرملکی خبررساں ادارےکےمطابق آسٹریلیا کےشہرسڈنی کےایک کیفے میں انتہا پسند شخص مسلمانوں کے خلاف نفرت میں آپے سے باہرہوگیا اورحاملہ مسلم خاتون پر بدترین تشدد کیا۔

اکتيس سالہ خاتون دوديگرخواتين کے ساتھ ايک ريسٹورنٹ ميں ڈنرکر رہی تھيں انھوں نے حجاب پہن رکھا تھااسی دوران نسل پرست شخص ان کی ٹيبل کے پاس آيا، پہلے گالياں بکيں پھر خاتون پر مکوں کی بارش کر دی۔حاملہ خاتون نيچے گرگئيں تو انھيں لاتوں سے کچلتارہا،لوگوں نےبمشکل خاتون کوچھڑايا۔

سفاک آسٹریلوی شخص کی جانب سے مسلم خاتون پر کیے جانے والے بدترین تشدد کی ویڈیو سوشل میڈیا پر وائرل ہوگئی جس کے بعد ویڈیو دیکھنے والوں کی بڑی تعداد نے اس شخص کے فعل کی شدید الفاط میں مذمت کی ہے۔

ویڈیومیں دیکھا جاسکتاہےکہ سفاک شخص حاملہ مسلم خاتون کو بدترین تشدد کا نشانہ بنا رہا ہے اور اس کےسر کو اپنے پیروں تلے روند رہا ہے۔

A pregnant #muslim women with a headscarf attacked in a cafe in #Sydney, Australia. #Islamophobia pic.twitter.com/JXNCGcTeC3

— Ali Özkök (@Ozkok_A) November 21, 2019

واقعے کے فوری بعد مقا می پولیس نےجائے وقوعہ پرپہنچ کرحملہ آور کو حراست میں لے لیا، جبکہ تشدد کا شکار زخمی خاتون کو اسپتال منتقل کردیا گیا۔

متاثرہ خاتون نے اسپتال میں پولیس کو بیان دیاہے کہ حملہ آور شخص مسلمانوں کے خلاف نفرت انگیز جذبات کا اظہار کررہاتھا۔