ایشز سیریز کے چوتھے ٹیسٹ میں بھی انگلینڈ ٹیم کی جانب سے مایوس کن کارکردگی دیکھنے کو ملی اور انگلینڈ کی پوری ٹیم پہلی اننگ میں 294 رنز پر ہی ڈھیر ہوگئی۔

انگلینڈ اور آسٹریلیا کے درمیان ایشز سیریز کا چوتھا ٹیسٹ میچ جاری ہے جس کے چوتھے دن کا کھیل کھیلا جارہا ہے جبکہ آسٹریلیا نے اپنی دوسری اننگ میں 4 وکٹوں کے نقصان پر 252 رنز اسکور کرلیے ہیں۔

آسٹریلیا کو انگلینڈ کے خلاف 374 رنز کی برتری حاصل ہے جبکہ انگلینڈ کی ٹیم اپنی پہلی اننگ میں صرف 294 رنز پر ہی ڈھیر ہوگئی تھے جس کے بعد آسٹریلیا نے اپنی اننگ کا آغاز 122 رنز سے کیا تھا۔

آسٹریلیا کی پہلی اننگ

آسٹریلیا کی جانب سے پہلی اننگ میں شاندار بیٹنگ دیکھنے کو ملی جبکہ آسٹریلیا نے 8 وکٹوں کے نقصان پر 416 رنز کے ساتھ اپنی اننگ ڈکلیئر کردی تھی۔

آسٹریلیا کی جانب سے سب سے زیادہ رنز عثمان خواجہ نے اسکور کیے، جنہوں نے سنچری کے ساتھ 137 رنز اسکور کیے تھے جبکہ اسٹیو اسمتھ نے 67 رنز اسکور کیے۔ ڈیوڈ وارنر 30، مارکس ہیرس 38 اور مارنس لبوشنگ نے 28 رنز اسکور کیے۔

علاوہ ازیں کیمرون گرین صرف 5 رنز بناکر آؤٹ ہوئے اور وکٹ کیپر ایلکس کیری نے 13، کپتان پیٹ کمنس نے 24 جبکہ مچل اسٹارک 34 اور لیتھن لیون 24 بناکر ناک آؤٹ رہے۔

انگلینڈ کی جانب سے پہلی اننگ میں سب سے زیادہ 5 وکٹیں اسٹورٹ براڈ نے حاصل کی جبکہ جیمس اینڈرسن، مارک ووڈ اور جائے روٹ نے 1،1 کھلاڑی کو آؤٹ کیا۔

انگلینڈ کی پہلی اننگ

انگلینڈ نے اپنی اننگ میں مجموعی طور پر 294 رنز اسکور کیے جس میں سب سے زیادہ رنز جانی بیرسٹو نے سنچری کی مدد سے 113 رنز اسکور کیے جبکہ بین اسٹوکس 66 رنز اسکور کرسکے۔

اس کے علاوہ انگلینڈ کی جانب سے کوئی بیٹر بڑٖی اننگ نہ کھیل سکا جبکہ آسٹریلیا کی جانب سے اسکاٹ بولینڈ نے شاندار بولنگ کا مظاہرہ کرتے ہوئے 4 کھلاڑیوں کو پولین پہنچایا۔

پیٹ کمنس اور نتھن لیون نے 2،2 کھلاڑیوں کو آؤٹ کیا جبکہ مچل اسٹارک اور کیمرون گرین 1،1 کھلاڑی کو آؤٹ کرسکے۔

واضح رہے کہ ایشز سیریز میں آسٹریلیا کو 3،0 کی واضح برتری حاصل ہے جبکہ یہ تمام میچز آئی سی سی ٹیسٹ چیمپئن شپ کا حصہ ہیں۔