تحریک انصاف نے پنجاب میں بلدیاتی انتخابات کے لیے منصوبہ بندی کو حتمی شکل دے دی ہے۔

واضح رہے کہ گزشتہ روز لاہور میں پاکستان تحریک انصاف کی ایڈوائزری کونسل کا اجلاس ہوا تھا جس میں آئندہ بلدیاتی انتخابات کے حوالے سے اہم فیصلے گئے تھے۔

تحر یک انصاف کی پنجاب ایڈوائزر کونسل کے اجلاس کی اندرونی کہانی سامنے آگئی ہے۔

کونسل کے جلاس میں پنجاب میں بلدیاتی انتخابات کی منصوبہ بندی مکمل کرلی گئی۔

گورنر پنجاب چوہدری سرور نے میرٹ پر تنظیم سازی پر زور دیا ، فواد چوہدری اور راجہ یاسر ہمایوں بھی گور نر کے حامی نظر آئے۔

اجلاس میں فیصلہ کیا گیا کہ پارٹی کی تنظیم میں پہلے عہدوں پر رہنے والوں کی بجائے نئے لوگوں کا سامنے لایا جائے گا۔

ایڈوائزر کونسل کے اجلاس میں طے پایا کہ صوبائی ایڈوائزری کو نسل کا ہرماہ کے پہلے ہفتے ایوان وزیر اعلی میں اجلاس ہوگا اور بلدیاتی انتخابات کی تیاریوں کی رپورٹ ہر ماہ وزیر اعظم بجھوائی جائے گی۔

ذرائع کا کہنا ہے کہ پنجاب حکومت نے بلدیاتی انتخابات سے پہلے تمام سرکاری محکموں میں خالی آسامیاں پر کر نے کا فیصلہ کیا ہے۔ اس کے علاوہ ضلعی حکومتوں میں ڈیلی ویجز پر بھی بھر تیوں کے لئے اراکین اسمبلی کے لئے کوٹہ ہوگا۔

اس موقع پر وزیراعلی نے تر قیاتی فنڈز کے اجرا کو سو فیصد یقینی بنانے کی ذمہ دارای اٹھائی۔پنجاب حکومت نے بلدیاتی اداروں کے ایڈ منسٹرز کو ہدایت کی کہ وہ اراکین اسمبلی کی مشاورت سے ترقیاتی فنڈز استعمال کریں گے۔