قومی کرکٹ ٹیم کے فاسٹ بولر حارث رؤف نے وکٹ لینے کے بعد انوکھے انداز میں جشن مناتے ہوئے پاسک پہن لیا۔

آسٹریلیا میں جاری بگ بیش لیگ ٹی ٹوئنٹی میں قومی کرکٹ ٹیم کے فاسٹ بولر حارث رؤف نے وکٹ لینے کے بعد انوکھے انداز میں جشن منایا جس کی ویڈیو میلبرن اسٹار کے آفیشل اکاؤنٹ سے سماجی رابطے کی مائیکرو بلاگنگ ویب سائٹ پر شیئر کی گئی ہے۔

https://twitter.com/StarsBBL/status/1480753595758698502?ref_src=twsrc%5Etfw%7Ctwcamp%5Etweetembed%7Ctwterm%5E1480753595758698502%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F1035798

ویڈیو میں دیکھا جاسکتا ہے کہ حارث رؤف نے پرتھ اسکارچر کے خلاف کھیلے گئے میچ میں بیٹر پیٹرسن کو آؤٹ کرنے کے بعد اپنی جیب سے ماسک نکالا اور پہن لیا جبکہ اس سے قبل انہوں نے ہاتھوں کے اشارے سے سینیٹائزر سے بھی ہاتھ صاف کیے۔

واضح رہے کہ حارث رؤف بگ بیش لیگ میں اب تک 17 میچز کھیل چکے ہیں جس میں انہوں نے 464 رنز دے کر 28 وکٹیں حاصل کی ہیں جبکہ سب سے زیادہ ایک میچ میں حارث رؤف نے 27 دے کر 5 وکٹیں حاصل کی ہیں۔

علاوہ ازیں حارث رؤف کو 2 میچز میں بہترین بولنگ کرنے کی بنیاد پر مین آف دی میچ کے اعزاز سے بھی نوازا گیا ہے جبکہ انہوں نے فیلڈنگ میں اچھی کارکردگی کا مظاہرہ دکھاتے ہوئے 4 کیچز بھی پکڑے ہیں۔

یاد رہے کہ گزشتہ دنوں حارث رؤف نے میلبرن رینگیڈر کے خلاف کھیلتے ہوئے انتہائی مشکل کیچ پکڑا تھا جس پر انہوں نے خوب داد بھی سمیٹی تھی۔

Advertisement

Rauf walks the tightrope on the boundary!!

Was there rope involved? We're taking another look… #BBL11 pic.twitter.com/D1eeTG1vo3

— KFC Big Bash League (@BBL) January 3, 2022

حارث رؤف نے اوکونل کی گیند پر ایرون فنچ کے بلند شاٹ کو باؤنڈری لائن پر کیچ کیا تھا، انتہائی اونچا کیچ ہونے کی وجہ سے وہ اپنا توازن  کھوکر باؤنڈری لائن کے دوسری طرف چلے گئے تھے۔

تاہم باؤنڈری لائن سے باہر جانے سے قبل ہی انہوں نے حاضر دماغی کا مظاہرہ کرتے ہوئے گیند کو ہوا میں اچھال دیا تھا اور توازن صحیح کرکے فوراً باؤنڈری لائن کے اندر آکر گیند کو دوبارہ پکڑ لیا تھا۔