ایک ماہرِ فلکیات نے 90 سال بعد زمین کے قریب سے گزرنے والے 3451 فِٹ قطر کے سیارچے کی فوٹیج بنائی ہے۔

بنائی گئی فوٹیج میں سیارچے 7482 کو چھوٹے سفید نقطے کی صورت میں دیکھا جا سکتا ہے۔

سیارچہ منگل 18 جنوری کو  جنوری کو گرینج معیار وقت کے مطابق 9 بج کر 51 منٹ پر 1933 کے بعد پہلی بار زمین کے قریب سے گزرا۔

سیارچہ زمین کے 12 لاکھ میل قریب تک آگیا تھا۔

اٹلی میں بیلاٹرکس آسٹرونومیکل مشاہدہ گاہ کی جانب سے دی جانے والی فوٹیج ورچوئل ٹیلی اسکوپ پروجیکٹ کے مینیجر اور ماہرِ فلکیاتی طبعیات جیان لُکا ماسی نے بنائی۔

ناسا کے مطابق اس ماہ آٹھ مزید خلائی چیزیں زمین کے قریب سے بحفاظت گزریں گی۔

ماسی کا کہنا تھا کہ ہم نے ممکنہ طور پر خطرہ رکھنے والے سیارچے، جب وہ زمین کی جانب آرہا تھا، کی متعدد تصاویر لیں۔

انہوں نے کہا کہ ہم نے ساکت تصویر لی اور اینیمیشن بنائی۔ پیشِ بالا تصویر 60 سیکنڈ کے سنگل ایکسپوژر سے آئی ہے، جِسے ورچوئل ٹیلی اسکوپ میں دستیاب ’ایلینا‘ روبوٹک یونٹ سے لیا گیا ہے۔

انہوں نے بتایا کہ ٹیلی اسکوپ نے سارچے کی تیز حرکت کو ٹریک کیا۔ اگرچہ ایسی تصاویر میں آگے جاتے ستاروں کے پیچھے ایک روشنی آتی دِکھتی ہے لیکن سیارچے کی تصویر میں ایک نقطہ دِکھائی دے رہا ہے، جِسے ایک تیر سے واضح کیا گیا ہے۔

ماسی نے کہا کہ تمام تصاویر کو ترتیب دے کر ہم نے ایک حرکت بنائی جس میں سیارچے کو آگے بڑھتے دیکھا جا سکتا ہے۔