پاکستان کے نامور اداکار احمد علی بٹ بہت جلد بول انٹرٹینمنٹ پر ریو کے تعاون سے ’بچہ لوگ گیم شو‘ کا آغاز کرنے جارہے ہیں۔

پاکستان کا نمبر ون چینل ’ بول انٹرٹینمنٹ‘ ہمیشہ اپنے صارفین کو نئے انداز میں محظوظ کرتا رہتا ہے ، چند روز قبل چینل انتظامیہ نے پاکستان کی تاریخ میں پہلی بار بچوں کے لیے گیم شو لانے کا اعلان کیا تھا جس کا باقاعدہ آغاز ہونے جارہا ہے۔

ہمیشہ کی طرح بول انٹرٹینمنٹ اس بار بھی کچھ منفرد لے کر آرہا ہے اور اپنی مقبولیت کو برقرار رکھتے ہوئے اس بار بچوں کیلیے پاکستان کا پہلا گیم شو ’’بچہ لوگ گیم شو‘‘ بہت جلد آن ایئر کرنے والا ہے جس کی میزبانی ملک کے نامور اداکار وکامیڈین احمد علی بٹ کریں گے۔

اداکار احمد علی بٹ کسی تعارف کے محتاج نہیں اور ان کا شمار پاکستان کے ان چند فنکاروں میں ہوتا ہے جنہوں نے چھوٹی اور بڑی اسکرین کے علاوہ موسیقی کے میدان میں بھی اپنا لوہا منوایا جب کہ پروگرام کی میزبانی میں بھی ان کا کوئی ثانی نہیں۔

یہ بھی پڑھیں؛ بول انٹرٹینمنٹ کا بچوں کیلیے ’گیم شو‘ لانے کا اعلان

ویسے تو احمد علی بٹ کا شمار ملک کے نامور مزاحیہ اداکاروں کی فہرست میں ہوتا ہے لیکن وہ سنجیدہ کردار بھی بخوبی نبھاتے ہیں جب کہ وہ ’ جوانی پھر نہیں آنی‘ اور ’جوانی پھر نہی آنی ٹو‘ جیسی ہٹ فلموں میں بھی اداکاری کے جوہر دکھاچکے ہیں۔

اس سے قبل بول انتظامیہ کی جانب سے اپنے آفیشل یوٹیوب پر پروگرام کا پرومو بھی جاری کیا گیا تھا۔

پرومو میں ویڈیو میں صرف بچوں کو کھیلتے اور اچھلتے کودتے دکھایا گیا ہے تاہم پروگرام کس نوعیت کا ہوگا اور اس میں کس قسم کے گیمز شامل ہوں گے یا پھر اس کی میزبانی کون کرے گا، ان سب سوالات کے جوابات کے لیے ناظرین کو ابھی مزید انتظار کرنا ہوگا۔