وزیراعلیٰ پنجاب سردار عثمان بزدار نے کتے کے کاٹنے سے فیروز والا کے رہائشی 12سالہ لڑکے کے جاں بحق ہونے کے واقعہ کا نوٹس لے لیا۔

اس موقع پر وزیراعلیٰ پنجاب نے لڑکے کے جاں بحق ہونے پر دکھ اورافسوس کا اظہار کیا جبکہ لواحقین سے دلی ہمدردی واظہارتعزیت بھی کی۔

وزیراعلیٰ پنجاب سردار عثمان بزدار نے فیروز والا میں کتے کے کاٹنے سے بچے کے جاں بحق ہونے کا نوٹس لیتے ہوئے کمشنر لاہور ڈویژن سے رپورٹ طلب کرلی۔

وزیراعلیٰ پنجاب سردار عثمان بزدار نے کہا کہ غفلت کے مرتکب افراد کے خلاف قانون کے مطابق کارروائی کی جائے۔

وزیراعلیٰ نے شاہدرہ ہسپتال اورمیو ہسپتال میں لڑکے کو بروقت ویکسین نہ لگانے پر برہمی کا اظہار کرتے ہوئے کہا کہ واضح ہدایات کے باوجود ویکسین کی عدم موجودگی متعلقہ حکام کی غیر ذمہ داری کا ثبوت ہے۔

وزیراعلیٰ نے ہسپتالوں اوردیہی و بنیادی مراکز صحت میں ویکسین کی دستیابی ہر صورت یقینی بنانے کی ہدایت آوارہ کتوں سے شہریوں کو بچانے کیلئے موثر مہم چلائی جائے اور انتظامیہ اس ضمن میں ہر ممکنہ اقدام کرے۔

یاد رہے کہ گزشتہ روز سندھ کے بعد اب فیروزوالہ میں بھی ایک ہی دن میں کتے کے کاٹنے سے دس سالہ بچہ دوران علاج جاں بحق ہوگیا جبکہ سگ گزیدگی کے مختلف واقعات میں پانچ افراد زخمی بھی ہوگئے تھے۔

واضح رہے اس سے قبل بھی واضح رہے اس سے قبل کراچی میں بھی شہری آوارہ کتوں کا شکار بن گئے تھے، کتے کے کاٹنے کی بیماری ریبیز سےایک 45 سالہ شخص سلیم چل بسا۔

نیو کراچی کا رہائشی، 6 بچوں کا باپ، محمد سلیم جو چند روز قبل اپنی چار سالہ بیٹی کو پا گل کتے سے بچاتے ہوئے ریبیزجیسی لاعلاج بیماری کا شکار ہو گیا تھا، جناح اسپتال کے انتہائی نگہداشت کے وارڈ میں دم تو ڑ گیا تھا۔

ذرائع کے مطا بق متا ثرہ محمد سلیم کو پہلے سندھ گورنمنٹ ہسپتال نیو کراچی لے جا یا گیا جہاں اینٹی ریبیز ویکسین نہ ملی پھرعباسی شہید ہسپتال لے جایا گیا مگر وہا ں بھی ویکسین نہ تھی۔