پاکستان کی معروف آن اسکرین جوڑی اداکارہ سجل علی اور اداکار احد رضابہت جلدشادی کے بندھن میں بندھنےوالے ہیں۔

اداکاروں کی جانب سےرواں برس مداحوں کو اپنی منگنی کی نوید دی گئی تھی جس کےبعدان کے چاہنے والوں کی بڑی تعدادان کی شادی کا بے صبری سے انتظارکررہی ہے۔

ڈرامہ سیریل ’یقین کے سفر‘ سے مقبول ہونے والی جوڑی سجل اور احد کی شادی سے متعلق خبریں زیرگردش ہیں کہ دونوں آئندہ برس 2020 میں شادی کرلیں گے۔

جبکہ میڈیا کی جانب سےخبرسامنےآئی ہےکہ دونوں ترکی میں شادی کریں گے جس میں قریبی رشتے دار اورچند دوست شامل ہوں گے۔

میڈیاکی جانب سےیہ بھی بتایاگیاہے کہ سجل اوراحد شادی کی ایک استقبالیہ تقریب پاکستان میں بھی منعقد کی جائے گی جس میں وہ شوبز شخصیات سمیت دیگر اہم مہمانوں کو مدعو کریں گے۔

 سجل علی اوراحد رضا میر مارچ 2020 تک شادی کرلیں گے اور شادی کے فوری بعد ملک میں صرف شوبز شخصیات کے لیے ایک تقریب کا اہتمام کیاجائے گا۔

تاہم آئندہ برس مارچ میں شادی کی خبروں پر سجل علی اور احد رضا میر نے تاحال کوئی واضح بیان نہیں دیاہے۔

اداکاروں نے رواں برس 6 جون کو سوشل میڈیا پر اپنی منگنی کی خوشخبری دی تھی۔

یاد رہے کہ اداکارہ سجل علی اور اداکار احدرضا میر کی شادی کب ہورہی ہے؟ سجل علی کی بہن اداکارہ صبور علی نےاس رازسے پردہ اٹھا دیا۔

سماجی رابطے کی ویب سائٹ انسٹاگرام پر صبور علی سےایک مداح نے خوب اسرار کیا کہ بتائیں ،سجل علی اور احد رضا میر کی شادی کب ہوگی ؟

اداکارہ نے مداح کو بھرپور جواب دیتے ہوئے کہا کہ ’ان کی شادی جب ہوگی جب میرے کپڑے تیار ہوجائیں گے۔

واضح رہے کہ رواں سال عیدالفطر کے موقع پر سجل علی اور اداکاراحد رضا میر نے سوشل میڈیا پر اپنے سینکڑوں چا ہنے والے مداحوں کو اپنی منگنی کی اطلاع دیتے ہوئے کہا تھا کہ دونوں حقیقی زندگی میں ایک ہونے جارہے ہیں۔